ភ្នំពេញ៖ លោកស្រី មិថុនា ភូថង នៅព្រឹកថ្ងៃទី២៣ ខែមិថុនានេះ បានទទួលតំណែងជាអភិបាលខេត្ដកោះកុងថ្មី ជាផ្លូវការហើយក្រោមអធិបតីភាព សម្ដេច ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ។
ជាអតីតអភិបាលរងនៃខេត្តដដែលនេះ លោកស្រី មិថុនា ភូថង គឺជាស្ត្រីខ្មែរដំបូងគេដែលបានឡើងកាន់ដំណែងជាអភិបាលខេត្ត។
លោកស្រី គឺជាឥស្សរជនម្នាក់ក្នុងចំណោមអភិបាលរាជធានី និងអភិបាលខេត្ដចំនូនបីនាក់ផ្សេងទៀតដែលត្រូវបានរាជរដ្ឋាភិបាលដោះដូរដំណែង។ ក្នុងនោះរួមមានរាជធានីភ្នំពេញ ខេត្ដកោះកុង កំពង់ចាម និងខេត្ដត្បូងឃ្មុំ៕
