កូរ៉េខាងជើង កំពុងត្រៀមបាញ់កាំជ្រូច អន្តរទ្វីបជាថ្មីម្ដងទៀត នៅក្នុងពេលឆាប់ៗនេះ ដែល លើកនេះ កូរ៉េខាងជើងជឿជាក់ថា អាចបាញ់បានលើស ៧០០គីឡូម៉ែត្រហើយ នឹងធ្លាក់ដល់សមុទ្ររុស្ស៊ី។
មន្ត្រីអាមេរិក ម្នាក់ប្រាប់ ទីភ្នាក់ងារសារព័ត៌មាន AFP កាលពីថ្ងៃម្សិលមិញ ( ថ្ងៃទី២២ មិថុនា) ថា ទីក្រុងព្យុងយ៉ាងបាន សាកល្បងម៉ាស៊ិនជើងរ៉ូក្កែតរួចហើយ ដើម្បីបាញ់កាំជ្រូចដ៏មានឥទ្ធិពលនេះ។
ប្រសិនបើមានការបាញ់កាំជ្រូច អន្តរទ្វីបជាថ្មីម្ដងទៀតមែននោះ វាគឺជាការផ្គើនម្ដងទៀត របស់ទីក្រុងព្យុងយ៉ាង ទៅលើក្រុងវ៉ាស៊ិនតោន ដែលធ្វើឡើងឆ្លើយតបទៅនឹងដំណើរទស្សនកិច្ចរបស់លោករដ្ឋមន្ត្រីការបរទេសអាមេរិក Rex Tillerson នៅចិនក្នុងសប្ដាហ៍នេះ ដើម្បីគាបសង្កត់ក្រុងប៉េកាំង ឱ្យដាក់សម្ពាធលើកូរ៉េខាងជើងឱ្យខ្លាំងក្លាថែមទៀត។
អ្នកសង្កេតការណ៍ព្រមានថា ការបាញ់កាំជ្រួច អន្តរទ្វីបនេះ អាចនាំឱ្យស្ថានការណ៍យោធា នៅលើឧបទ្វីបកូរ៉េកាន់តែធ្ងន់ធ្ងរថែមទៀត៕ AFP
