អង្គការសហប្រជាជាតិកាលពីថ្ងៃ ពុធ សម្រេចឱ្យដកកងទ័ពរក្សាសន្តិភាពជិត ៦០០ នាក់ ដែលជាកងទ័ពនៃប្រទេសកុងហ្គូ ចេញពីសាធារណរដ្ឋអាហ្វ្រិកកណ្ដាលឲ្យត្រឡប់មកផ្ទះ ដោយសារកងទ័ពទាំងប្រព្រឹត្តបទល្មើសផ្លូវភេទ។
សេចក្ដីប្រកាសព័ត៌មាន របស់ អង្គការសហប្រជាជាតិ បានចុះផ្សាយថា រដ្ឋាភិបាលសាធារណរដ្ឋកុងហ្គូរបស់លោកប្រធានាធិបតី Denis SassouNguesso បានយល់ព្រមកោះហៅកងទ័ពរបស់ខ្លួនឱ្យត្រឡប់មកវិញ។
សេចក្តីប្រកាសព័ត៌មានសរសេរថា៖ «ការពិនិត្យឡើងវិញនូវការដាក់ពង្រាយទ័ពសាធារណរដ្ឋកុងហ្គូរកឃើញថា កងទ័ពបានប្រព្រឹត្តបទល្មើសផ្លូវភេទនៃការរំលោភបំពាន និងបញ្ហាការគ្រប់គ្រងមិនមានវិន័យ»។
តាមសេចក្ដីប្រកាសរបស់អង្គការសហប្រជាជាតិកងទ័ពប្រទេសនេះត្រូវបានចោទប្រកាន់ករណីផ្លូវភេទចាប់តាំងពីឆ្នាំ២០១៤។
ឧត្តមសេនីយ៍ឯក Balla Keita នៃប្រទេស Senegal បានរាយការណ៏មកការិយាល័យកណ្តាលអង្គការសហប្រជាជាតិ ដោយភ្ជាប់មកជាមួយនូវសំបុត្រចំនួន ៦ ក្នុងនោះទាក់ទងនឹងករណីរំលោភបំពានផ្លូវភេទ ការជួយដូរឥន្ធនៈ និងកង្វះវិន័យ។
កងទ័ពរបស់ ប្រទេសកុងហ្គោដែលទៅការដាក់ពង្រាយនៅសាធារណរដ្ឋអាហ្វ្រិកកណ្ដាលស្ថិតក្នុងក្រមខណ្ឌរបស់កងរក្សាសន្តិភាពអង្គការសហប្រជាជាតិ ៕ ប្រភពៈAFP
