និស្សិតជនជាតិអាមេរិកម្នាក់ដែលត្រូវបានដោះលែង ដោយប្រទេសកូរ៉េខាងជើង កាលពីសប្ដាហ៍មុន ក្រោយពីឃុំខ្លួនរយៈពេល ១៥ខែ បានទទួលមរណភាពហើយ។
គ្រួសាររបស់សាកសពបានប្រកាសថា Otto Warmbier អាយុ ២២ឆ្នាំ បានទៅដល់សហរដ្ឋអាមេរិក កាលពីថ្ងៃអង្គារ៍សប្ដាហ៍មុន ប៉ុន្ដែគាត់មានជំងឺភ្លេចភ្លាំងស្មារតីមួយឆ្នាំមកហើយ។ភ្លាមៗបន្ទាប់ពីកូរ៉េខាងជើងបានដោះលែង វេជ្ជបណ្ឌិតអាមេរិកបានពិនិត្យសុខភាពភ្លាមដែរ។
យុវជនរូបនេះ ត្រូវបានកូរ៉េខាងជើងកាត់ទោសរយៈពេល ១៥ឆ្នាំ ដោយដាក់នៅក្នុងជំរុំឃុំខ្លួន ហើយដាក់ទណ្ឌកម្មអោយធ្វើពលកម្មយ៉ាងធ្ងន់ធ្ងរ ។
គាត់មានជម្ងឺសរសៃប្រសាទ ហើយត្រូវបានកូរ៉េខាងជើងដោះលែងកាលពីថ្ងៃទី ១៣មីនា។ គ្រួសាររបស់យុវជននេះ បានស្ដីបន្ទោសថា មរណភាពលោក Otto Warmbier ដោយសារការធ្វើទារុណកម្ម។
ទាក់ទិនមរណភាពរបស់ Otto Warmbier រូបនេះ ប្រធានាធិបតីអាមេរិក ដូណាល់ត្រាំ បានហៅកូរ៉េខាងជើង ថា ជាក្រុមមនុស្សឃោរឃៅបំផុត ។ លោក ត្រាំ ថ្កោលទោសកូរ៉េខាងជើង ដោយព្រមានថា ត្រូវទទួលខុសត្រូវចំពោះមរណភាពយុវជនរូបនេះ ។
