ភ្នំពេញ៖ គណៈកម្មាធិការជាតិរៀបចំការបោះឆ្នោតហៅថា គ.ជ.ប បានសម្រេចបដិសេធបណ្តឹងចំនួន៣៣ពីគណបក្សនយោបាយទាក់ទង់ទៅនិងបណ្តឹងសុំរាប់សន្លឹងឆ្នោតឡើងវិញ និងបណ្តឹងព្រហ្មទណ្ឌ ដែលប្តឹងបន្តមកពីរាជធានី ខេត្តចំនួន ១០។ នេះបើតាមសេចជូនដំណឹងរបស់គ.ជ.ប ចេញផ្សាយកាលពីថ្ងៃទី ១៧ មិថុនា ម្សិលមិញ។
យោងតាមសេចក្តីជូនដំណឹងដដែល គណៈកម្មាធិការជាតរៀបចំការបោះឆ្នោត បានសម្រេចបដិសេធបណ្តឹងរបស់គណបក្សប្រជាជនកម្ពុជាចំនួន ១០ គណបក្សសង្រ្គោះជាតិចំនួន ២២ និង បដិសេធមួយបណ្តឹងពីប្រជាពលរដ្ឋ។
មូលហេតុគ.ជ.ប បដិសេធដោយសារបណ្តឹងទំាងនោះត្រូវថ្លោះសិទ្ធិនៃការប្តឹង ឬផុតកាលកំណត់របស់ច្បាប់។
គិតចាប់ពីថ្ងៃទី ១៥ ខែមិថុនា ឆ្នំា ២០១៧ បណ្តឹងមកគ.ជ.ប សរុប ៦១ បណ្តឹង។ ក្នុងចំណោមនេះ គ.ជ.ប បានពិនិត្យ និងសម្រេច ចំនួន ៤៩ បណ្តឹង ក្នុងរយៈពេលពីរថ្ងៃ ចាប់ពីថ្ងៃទី ១៤ ១៥ ខែមិថុនា ឆ្នំា ២០១៧៕
