ក្រុងភ្នំពេញ៖ សម្តេច ហ៊ុន សែន នាយករដ្ឋមន្ត្រីនៃប្រទេសកម្ពុជាបាន បង្ហោះ សារអំពាវនាវឲ្យប្រជាពលរដ្ឋ និងយុវជន តាមបណ្តាគ្រឹះស្ថាន សាកលវិទ្យាល័យ ក្រុមហ៊ុនឯកជន នានាឲ្យជួយបន្តបរិច្ចាគឈាមជួយសង្គ្រោះជីវិតមនុស្ស។ការអំពាវនាវរបស់ នាយករដ្ឋមន្ត្រីធ្វើឡើងនៅមុនការទិវាបរិច្ចាគឈាមពិភពលោក ថ្ងៃទី ១៤ ខែមិថុនា ឆ្នាំ ២០១៧ នេះ។
សម្តេចហ៊ុន សែន មានប្រសាសន៍ថា ការបរិច្ចាគឈាមគឺដូចជាការជួយសង្គ្រោះដល់បងប្អូនអ្នកដែលមានជំងឺច្រើន រួមទាំងកុមារតូចៗកំពុងត្រូវការសង្គ្រោះបន្ទាន់។ ទិវាបរិច្ចាគឈាមពិភពលោក នឹងធ្វើ ឡើងនៅទីតាំងអគារថ្មីនៃមជ្ឈមណ្ឌលជាតិ ផ្តល់ឈាម ជិត មន្ទីពេទ្យរុស្សី។ ក្នុងព្រឹត្តិការណ៍នេះសម្តេចក៏រំពឹងថា និងមានភ្ញៀវជាតិ-អន្តរជាតិ ចូលរួមប្រមាណ ៦០០នាក់។
សម្ដេចនាយករដ្ឋមន្ត្រីក៏បានសរសើរយុវជនយុវនារីដែលបានចូលរួមយ៉ាងសកម្មនៅក្នុងយុទ្ឋនាការជិះកង់បរិច្ចាគឈាមកាលពីព្រឹកថ្ងៃទី ១១ មិថុនា៕
