នាយករដ្ឋមន្ដ្រីជប៉ុន ស៊ិន សូអាបេ បានប្រកាសឱ្យដឹងថា លោកមានផែនការដើម្បីជួបប្រធានាធិបតីកូរ៉េខាងត្បូង Moon Jae In នៅពេលដ៏ឆាប់ខាងមុខនេះ ដើម្បីពិភាក្សាអំពីការគំរាមគំហែងនៅកូរ៉េខាងជើង និងពង្រឹងទំនាក់ទំនងទ្វេភាគី ។
យោងតាមសេចក្ដីប្រកាសព័ត៌មានរបស់គណៈរដ្ឋមន្ដ្រី លោក ស៊ិន សូអាប បានអះអាងដូចនេះ នៅពេលលោកបានជួបប្រជុំជាមួយប្រធានរដ្ឋសភាកូរ៉េខាងត្បូង លោក ជុង ដាវយ៉ុន នៅទីក្រុងតូក្យូ កាលពីថ្ងៃម្សិលមិញ (ថ្ងៃព្រហស្បត្តិ៍ ទី ០៧ មិថុនា) ក្នុងជំនួបនោះ នាយករដ្ឋមន្ដ្រីជប៉ុន ស៊ិន សូអាបេ បាននិយាយថា ត្រូវចាត់ទុកបញ្ហាកូរ៉េខាងជើង គឺជាអសន្ដិសុខយ៉ាងខ្លាំងក្នុងតំបន់។
ករណីនេះ ជប៉ុនចង់អោយមានសហប្រតិបត្តិការដ៏ជិតស្និទ្ធរវាងប្រទេសទាំងពីរ ។ តាមការប្រកាសរបស់ លោក ស៊ិន សូអាបេ បានធ្វើឡើងប៉ុន្មានប៉ុណ្នោះ បន្ទាប់ពីកូរ៉េខាងជើងបានបាញ់កាំជ្រួចវង់ប្រតិបត្តិការខ្លី ចំនួន ៤ដើម ជាថ្មីទៀត កាលពីថ្ងៃម្សិលមិញ ដែលធ្វើអោយស្ថានការណ៍តានតឹងលើឧបទ្វីបកូរ៉េគ្រោះថ្នាក់បំផុត។
លោក អាបេ នឹងជួបប្រធានាធិបតីកូរ៉េខាងត្បូងនៅខែ កក្កដា នឹងនៅខាងក្រៅនៃកិច្ចប្រជុំសន្នីសីទកំពូលប្រទេសទី២០ នៅប្រទេសអាល្លឺមង់ ។
ជប៉ុន និងកូរ៉េខាងត្បូងជាផ្ទាំងហ្ស៊ិបនៃការវាយប្រហារពីសំណាក់កូរ៉េខាងជើង ព្រោះប្រទេសទាំងពីរនេះ ជាមហាមិត្តសហរដ្ឋអាមេរិក។
