ភ្នំពេញ៖គណៈកម្មាធិការជាតិរៀបចំការបោះឆ្នោត (គ.ជ.ប) នៅថ្ងៃទី ៤ មិថុនា ឆ្នាំ២០១៧នេះ បានជូនដំណឹងឱ្យដឹងថា គ.ជ.ប បានសម្រេចសម្រួលដល់ការបោះឆ្នោតជូនពលរដ្ឋ ដោយ គ.ជ.បអនុញ្ញាតឲ្យបន្ដការស្នើសុំ និងការបញ្ជាក់ឯកសារបញ្ជាក់អត្ដសញ្ញាណបម្រើឲ្យការបោះឆ្នោតបន្ថែមមួយថ្ងៃទៀត គឺ នៅថ្ងៃទី ០៤ មិថុនានេះ ត្រឹមម៉ោង ២ និង ៣០នាទី រសៀល ថ្ងៃទី ៤ មិថុនានេះ ។
តាមសេចក្ដីជូនដំណឹងរបស់គណៈកម្មាធិការជាតិរៀបចំការបោះឆ្នោតបញ្ជាក់ថា ពលរដ្ឋដែលមានឈ្មោះក្នុងបញ្ជីចុះឈ្មោះបោះឆ្នោតឆ្នាំ២០១៦ប៉ុន្តែគ្មានអត្តសញ្ញណប័ណ្ណត្រូវរួតរាន់ទៅឃុំសង្កាត់ឱ្យទាន់ពេលត្រឹមម៉ោង ២ និង៣០ថ្ងៃ ដើម្បីបញ្ជាក់ឯកសារបោះឆ្នោត បើពុំនោះទេនឹងគ្មានសិទ្ធិបោះឆ្នោតទេ។
គណៈកម្មាធិការជាតិរៀបចំការបោះឆ្នោតបានប្រកាសបិទ លែងទទួល ការបញ្ជាក់ដូចនេះម្ដងហើយ កាលពីថ្ងៃម្សិលមិញ(ថ្ងៃទី៣មិថុនា)នៅត្រឹមម៉ោង ៥ និង៣០នាទី តែពេលនេះ គ.ជ.ប បានពន្យាពេល មួយថ្ងៃទៀត។
តាម គ.ជ.ប ពលករដ្ឋដែលគ្មានអត្តសញ្ញាណប័ណ្ណមានចំនួន៣០ម៉ឺននាក់ ៕
