ភ្នំពេញ៖ សម្តេច ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃបានព្រមានចាត់ការលើអង្គការស៊ីវិល ឬបុគ្គលណាមួយដែលអុកឡុកដល់ស្ថានការណ៍បោះឆ្នោត ឬ លទ្ធផលបោះឆ្នោត។
រដ្ឋមន្ត្រីក្រសួងមហាផ្ទៃបញ្ជាក់ថា អង្គការ ឬ បុគ្គលណាមួយដែលបង្កអុកឡុកស្ថានការណ៍បោះឆ្នោតនឹងទទួលទោសតាមច្បាប់។ សម្តេច ស ខេង ដែលបានថ្លែងព្រមានដូចនេះ គឺ នៅចំពោះមុខអ្នកសារព័ត៌មាននៅទីស្តីការគណរដ្ឋមន្ត្រី នៅរសៀល ថ្ងៃទី ០៣ ខែ មិថុនានេះ ហើយស្រង់មកចុះផ្សាយដោយគេហទំព័រ Fresh News។
សម្តេចរដ្ឋមន្ត្រីបានថ្លែង ដូចនេះថា «យើងជាប្រទេសមួយដែលប្រកាន់លទ្ធិប្រជាធិបតេយ្យ ប៉ុន្តែត្រូវតែគោរពច្បាប់។ ខ្ញុំសង្ឃឹម ថា នឹងមិនមានបញ្ហានោះកើតឡើងទេ ប៉ុន្តែអ្នកដែលបង្កើតបញ្ហា ឬអង្គការណាបង្កើតបញ្ហាលោភលើច្បាប់អង្គការ ឬក៏បុគ្គលនោះនឹងទទួលខុសត្រូវចំពោះមុខច្បាប់»។
ការព្រមានរបស់រដ្ឋមន្ត្រីក្រសួងមហាផ្ទៃធ្វើឡើងមុនមួយថៃ្ងនៃការបោះឆ្នោតក្រុមប្រឹក្សាឃុំសង្កាត់ ចាប់ផ្ដើមនៅថ្ងៃអាទិត្យ ទី៤មិថុនាស្អែកនេះ៕
