អាមេរិក៖ប្រធានាធិបតីអាមេរិកដូណាល់ត្រាំ បានទៅដល់ទីក្រុងព្រុចហ្សែលហើយនៅថ្ងៃនេះ ដោយចាប់ផ្ដើមបើកកិច្ចប្រជុំជាមួយមេដឹកនាំប្រទេសមួយចំនួននៃអង្គការយោធាណាតូដែលត្រូវនបានគេពណ៌នាថា ការពិភាក្សាជាមួយគ្នាស៊ីជម្រៅអំពីសមាជិកនៃសម្ព័ន្ធភាពរបស់អង្គការយោធាមួយនេះ។
តាមបណ្ដាញផ្សាយេព័ត៌មានBBC លោក ត្រាំ ត្រូវជួបកំពូលផងដែរ ជាមួយមេដឹកនាំសហភាពអឺរ៉ុប ក្រោយពីជួបជាមួយនិង អគ្គលេខាធិការអង្គការណាតូ ហើយបន្ទាប់ពីនេះទៀត លោក ត្រាំ ត្រូវពិភាក្សាពីបញ្ហាប្រយុទ្ធប្រឆាំងអំពើភេរវកម្ម។
នៅក្នុងការឃោសនារកសម្លេងឆ្នោតលោកត្រាំបានរិះគន់ប្រទេសជាសមាជិកមួយចំនួនរបស់អង្គការណាតូ ហើយដែលលោកថា ប្រទេសខ្លះចូលជាសមាជិកអង្គការនេះ គ្រាន់តែជា ការធ្វើជាខ្នងបង្អែកការពារខ្លួនតែប៉ុណ្ណោះ៕ BBC
