គណបក្សប្រជាជនកម្ពុជា បានប្តឹងគណបក្សសង្រ្គោះជាតិ ពីបទរារាំងក្បូនដង្ហែគណ
បក្ស បន្ទាប់ពីក្បួនឃោសនា របស់គណបក្សនយោបាយធំទាំងពីរ បានហែរប៉ះគ្នានៅចំណុចមួយ ក្នុងខេត្តតាកែវ នៅថ្ងៃដំបូងនៃយុទ្ធនាការឃោសនារកសំឡេងឆ្នោត។ នេះបើតាមលោក ហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោត ។
លោក ហង្ស ពុទ្ធាបានឱ្យដឹងបន្តថា គណបក្សប្រជាជនកម្ពុជា បានប្តឹងពីការរារាំងក្បួនគណបក្សប្រជាជនកម្ពុជា មិនឱ្យធ្វើដំណើរទៅមុខ។
ក្បួនឃោសនារបស់គណបក្សសង្រ្គោះជាតិ ដឹកនាំដោយលោក កឹម សុខា ប្រធានគណបក្សប្រឆាំង ដោយឆ្លងកាត់តាមផ្សារត្រាំខ្នារ ស្រុកបាទី និងផ្សារអង្គតាសោម ស្រុកត្រាំកក់ នៃខេត្តតាកែវ៕
