en     km
en     km

អង្គការ​មួយ​គ្រោង​ចុះ​ជួស​ជុស​ផ្លូវ​ សាលារៀន​ និង​សង់​បង្គន់​ក្នុង​សហគមន៍​ក្រីក្រ​នៅ​ភ្នំពេញ​(មានសំឡេង)

Share

ភ្នំពេញ ៖ អង្គការក្រៅរដ្ឋាភិបាលមួយគ្រោងនឹងដឹកនាំយុវជនមួយក្រុមដើម្បីជួយផ្តល់សេវាកម្មមនុស្សធម៌ដល់ប្រជាពល រដ្ឋក្នុងសហគមក្រីក្រនៅជាយទីក្រុងភ្នំពេញ នៅថ្ងៃសៅរ៍ស្អែកនេះ។

យុវជនជាង១០០០នាក់នឹងចូលរួមជួសជុលហេដ្ឋារចនាសម្ពន្ធ័និងបង្គន់អនាម័យសម្រាប់សហគមន៍ក្រីក្រនេះ។

សកម្មភាពរបស់យុវជនដឹកនាំដោយអង្គការលំនៅដា្ឋនមនុស្សជាតិកម្ពុជា បានចុះជួសជុលលំនៅដ្ឋានជូនពលរដ្ឋក្រីក្រនានាពេលកន្លងមកនៅក្នុងរាជធានីភ្នំពេញ។
សកម្មភាពរបស់យុវជនដឹកនាំដោយអង្គការលំនៅដា្ឋនមនុស្សជាតិកម្ពុជា បានចុះជួសជុលលំនៅដ្ឋានជូនពលរដ្ឋក្រីក្រ នាពេលកន្លងមកនៅក្នុងរាជធានីភ្នំពេញ។

ក្រោមប្រធានបទ”អ្នកដឹកនាំសាងសង់លំនៅដ្ឋានវ័យក្មេង” យុវជនកម្ពុជាជាង១០០០នាក់នឹងចូលរួមក្នុងសកម្មភាពជួស ជុលផ្លូវ សាលារៀន និងសាងសង់បង្គន់អនាម័យ ជូនពលរដ្ឋក្នុងសហគមន៍ក្រីក្រមួយ ក្នុងសហគមន៍ទួលសំបូរ ខណ្ឌ័ដង្កោ ជាយរាជធានីភ្នំពេញ នៅថ្ងៃសៅរ៍ទី២០ ខែឧសភានេះ។

កញ្ញា ងិន លីដា អ្នកជំនាញផ្នែកអភិវឌ្ឍន៍ធនធាន ទំនាក់ទំនង និង តស៊ូមតិ នៃអង្គការលំនៅដា្ឋនមនុស្សជាតិកម្ពុជា ដែល ជាអង្គការដឹកនាំចលនាមនុស្សធម៌របស់ក្រុមយុវជនទាំងនេះ ឲ្យដឹងថាក្រុមយុវជនទាំង១០០០នាក់នឹង បរិច្ចាគពេលវេលា កំលាំងកាយចិត្ត និងថវិកាផ្ទាល់ខ្លួនដើម្បីចូលរួមសាងសង់លំនៅដ្ឋានសមរម្យជូនពលរដ្ឋក្រីក្រ និងផ្តល់ហេដ្ឋារចនាសម្ពន្ធ័ ងាយស្រួលដល់ពលរដ្ឋទាំងនេះ។

យុវជនដែលចូលរួមសកម្មភាពសប្បុរសធម៌នេះ ជាសិស្សវិទ្យា និស្សិត និងបុគ្កលិកក្រុមហ៊ុន និងអង្គការសង្គមស៊ីវិល។
យុវជនដែលចូលរួមសកម្មភាពសប្បុរសធម៌នេះ ជាសិស្សវិទ្យាល័យ និស្សិត និងបុគ្កលិកក្រុមហ៊ុន និងអង្គការសង្គមស៊ីវិល។

កញ្ញា ងិន លីដា និយាយថា ការប្រារព្ធកម្មវិធីនេះឡើង ក្នុងគោលបំណងទាក់ទាញចំណាប់អាម្មរណ៍យុវជន ចេះចែករំលែក សេចក្តីសុខផ្ទាល់ខ្លួនខ្លះ ជាពិសេសគឺចង់ផ្ញើសារដល់យុវជនឱ្យយល់ដឹងពី បញ្ហាកង្វះលំនៅដ្ឋានដែលកំពុងកើតមាននៅ កម្ពុជា និងនៅទូទាំងពិភពលោកផងដែរ។

«ការពិតបញ្ហាដែលកើតមាននៅលើពិភពលោកយើងរាល់ថ្ងៃហ្នឹងមានច្រើន ប៉ុន្តែបញ្ហាកង្វះលំនៅដ្ឋានគឺជាបញ្ហា ដែលយើង ត្រូវគួរផ្តោតការយកចិត្តទុកដាក់ជាសំខាន់។ នៅពេលយើងមានជម្រករស់នៅរឹងមាំ យើងអាចមានលទ្ធភាពគិតគូរប្រកប របបរកស៊ី ហើយពេលកត្តាជីវភាពរស់នៅសមរម្យ យើងអាចបញ្ជូនកូនទៅរៀនវាបន្តជាប់គ្នាអញ្ចឹង!»

តាមរបាយការណ៍របស់អង្គការសហប្រជាជាតិបានឱ្យដឹងថា មានប្រជាពលរដ្ឋក្រីក្រប្រមាណ ៥០០លាននាក់ក្នុងពិភព លោកកំពុងរស់នៅក្នុងសហគមន៍ក្រីក្រ។ ចំណែកមនុស្សប្រមាណ ១,៦ ពាន់លាននាក់ខ្វះខាតលំនៅដ្ឋានសមរម្យរស់នៅ ហើយត្រូវការជំរកសមរម្យ។

របាយការណ៍របស់អង្គការសហប្រជាជាតិបានបង្ហាញទៀតថា កុមារក្រោមអាយុ ៥ឆ្នាំ ជាង១២៥ លាននាក់កំពុងរស់នៅ ដោយគ្មានប្រភពទឹកស្អាតប្រើប្រាស់។ ហើយកុមារជាង ២៨០ លាននាក់ ក៏កំពុងរស់នៅដោយខ្វះការថែទាំអនាម័យផងដែរ។

ក្រុមយុវជនដែលចូលរួមក្នុងកម្មវិធី”អ្នកដឹកនាំសាងសង់លំនៅដ្ឋានវ័យក្មេង”នេះជារួមមកពីសំណាក់សិស្សនុសិស្សថ្នាក់វិទ្យាល័យ និស្សិតសកលវិទ្យាល័យ បុគ្គលិកក្រុមហ៊ុន និងអង្គការក្រៅរដ្ឋាភិបាល។

សកម្មភាពចុះធ្វើអនាម័យដល់កុមារក្រីក្រនៅក្នុងសហគមន៍។
សកម្មភាពចុះធ្វើអនាម័យដល់កុមារក្រីក្រនៅក្នុងសហគមន៍។

នៅក្នុងសកម្មភាពមនុស្សធម៌នៅថ្ងៃស្អែកនេះ រួមមាន ការចាក់គ្រួសផ្លូវមួយខ្សែប្រវែង ២៧០ ម៉ែត្រ លាបថ្នាំរបងសាលាបឋម សិក្សាទួលសំបូរប្រវែង ២៨០ម៉ែត និងលាបថ្នាំអាគារសាលា ៦ខ្នង រួមទាំងសាងសង់បង្គន់អនាម័យជូនគ្រួសារ ដែលគ្មាន បង្គន់ចំនួន ១០។ ក្រៅពីនោះក្រុមយុវជនស្មគ្រ័ចិត្តខាងលើនឹងផ្តល់ការអប់រំផ្នែកអនាម័យដល់ក្មេងប្រមាណ ៥០០ នាក់ និង កម្មវិធីសម្អាតសហគមន៍។

នេះជាលើកទី ៥ ហើយដែលអង្គការលំនៅដា្ឋនមនុស្សជាតិកម្ពុជាបានរៀបចំកម្មវិធី”អ្នកដឹកនាំសាងសង់លំនៅដ្ឋានវ័យ ក្មេង”។ កម្មវិធីមុនៗធ្វើឡើងនៅសមាគមន៍ភូមិអណ្តូង នៅភូមិនៃក្តីញញឹម និងនៅភូមិត្រពាំងអញ្ចាញ ជាយរាជធានីភ្នំពេញ។

កញ្ញា ងិន លីដា បញ្ជាក់ថា ប្រជាពលរដ្ឋក្នុងសហគមក្រីក្រ«ខ្វះខាតលំនៅដ្ឋានសមរម្យ» ស្របពេលដែលកំណើនប្រជាជន រស់នៅក្រុងភ្នំពេញក៏កាន់តែកើនឡើងពីមួយឆ្នាំទៅមួយឆ្នាំ៕

 

Share

Image
Image
Image