ក្រសួងការបរទេសចិនបានចេញសេចក្ដីថ្លែងការណ៍ថា ទាំងក្រុងប៉េកាំងនឹងសមាគមប្រជាជាតិអាស៊ីអាគ្នេយ៍បានសម្របសម្រួលឱ្យមានក្រមប្រតិបត្តិមួយដើម្បីត្រួតពិនិត្យមើលស្ថានភាពជម្លោះសមុទ្រចិនខាងត្បួងដោយស្មារតីយោគយល់គ្នា។តែយ៉ាងណាក៏ដោយ គឺជាលើកដំបូងហើយបន្ទាប់ពី១៥ឆ្នាំ ដែលយន្ដការនេះ មិនអាចចេញរូបរាងបាននោះ ។

លេខាធិការអចិន្ដ្រៃយ៍ក្រសួងការបរទេសសិង្ហបុរី Chee Wee Kiong និយាយថា សេចក្ដីព្រាងក្រមប្រតិបត្តិសមុទ្រចិនខាងត្បូងនឹងត្រូវដាក់ឱ្យរដ្ឋមន្ដ្រីការបរទេសចិន និងរដ្ឋមន្ដ្រីការបរទេសអាស៊ាន ពិនិត្យនៅក្នុងកិច្ចប្រជុំរបស់ខ្លួននៅខែ សីហា ឆ្នាំ ២០១៧នេះ នៅប្រទេស ហ្វីលីពីន ។

ប្រទេស៤នៅក្នុងសមាគមអាស៊ានដែលទាមទារឱ្យមានក្រមប្រតិបត្តិសមុទ្រនេះគឺ ហ្វីលីពីន វៀតណាម ប្រ៊ុយណេ និងម៉ាឡាស៊ី។ ប្រទេសទាំង ៤នេះ ទាមទារកាន់កាប់តំបន់ត្រួតស៊ីគ្នាមួយចំនួននៅសមុទ្រចិនខាងត្បូងជាមួយនិងប្រទេសចិនដែលនាំអោយមានភាពតានតឹងលើស្ថានការណ៍នៅក្នុងតំបន់អាស៊ីអាគ្នេយ៍ ព្រោះប្រទេសខ្លះនៃសមាគមអាស៊ានមិនហ៊ានធ្វើសេចក្ដីសម្រេចរឿងនេះទេ៕