ភ្នំពេញ ៖ រដ្ឋមន្ត្រីក្រសួងព័ត៌មាន លោក ខៀវ កាញ្ញារិទ្ធ បានស្នើឲ្យមានការបង្ហាញភស្តុតាងច្បាស់លាស់ សំរាប់ការដាក់ ពិន័យតារាសម្តែងស៊ិកស៊ី កញ្ញា ដេននី ក្វាន់។
ក្រសួងវប្បធម៌កាលពីចុងខែ បានសម្រេចហាមឃាត់តារាសម្តែងរូបនេះ មិនឱ្យសម្ដែងក្នុងរយៈពេល ១ឆ្នាំ។ រាប់ទាំងការថត ស្ពត នឹងឡើងសម្តែងតាមស្ថានីយ៍ទូរទស្សន៍នានាទៀតផង។
លោករដ្ឋមន្ត្រី ខៀវ កញារិទ្ធ បានសរសេរក្នុងទំព័រហ្វេសប៊ុកកាលពី មិលម៉ិញថា លោកមិនដែលស្គាល់សិល្បការនីរូបនេះទេ «ហើយក៏មិនឈឺក្បាលរឿងនាងស្លៀកពាក់នៅក្រៅឆាករបស់នាងនោះដែរ» តែការហាមឃាត់ការសំដែងរបស់នាង «ត្រូវ មានភស្តុតាងច្បាស់លាស់ (ក្រោយការណែនាំហើយ)»។
ការលើកឡើងរបស់លោករដ្ឋមន្ត្រីក្រសួងព័ត៌មាន ក្រោយពីក្រសួងវប្បធម៌និងវិចិត្រសិល្បៈបានបញ្ជូនលិខិតដាក់ពិន័យនោះ ទៅកាន់ក្រសួងព័ត៌មានផងដែរ ដើម្បីឲ្យក្រសួងសាម៉ីនេះបញ្ជ្រាបការដាក់ពិន័យលើកញ្ញា ឌេននី ក្វាន់ ដល់បណ្តាស្ថានីយ៍ ទូរទស្សន៍នានា៕
