អាមេរិក ៖ រដ្ឋមន្រ្តីការបរទេសអាមរិករិច បានទទូចឱ្យរដ្ឋមន្រ្តីការបរទេសអាស៊ានកាត់បន្ថយការផ្តល់ហិរញ្ញវត្ថុឱ្យកូរ៉េខាង ជើង ប្រយោជន៍ធ្វើឱ្យប្រទេសកុម្មុយនីសនេះ ពិបាកក្នុងការអភិវឌ្ឍកម្មវិធីនុយក្លេអ៊ែរ។
ការទទូចរបស់ប្រមុខកាទូតរូបនេះ ធ្វើឡើងនៅកិច្ចប្រជុំជាមួយពួករដ្ឋមន្រ្តីការបរទេសអាស៊ាន នៅទីក្រុងវ៉ាស៊ីនតោន កាល ពីថ្ងៃព្រហស្បតិ៍្តទី ៤ ឧសភា។
ឧបការីរងក្រសួងការបរទេសអាមេរិក ប៉ាទ្រិច ម៉រហ្វី ដែលស្រង់សំដីរដ្ឋមន្ត្រី រិចថេឡេ ស៊ុន មកចុះបញ្ជាក់ថា ការជួយជ្រោម ជ្រែងណាមួយពីសំណាក់សមាគមន៍អាស៊ាន នឹងនាំឱ្យការដាក់ទណ្ឌកម្មទៅលើកូរ៉េខាងជើងមានប្រសិទ្ធិភាព ហើយជាការ ចូលរួមចំណែកមួយផងដែរ នៃការអនុវត្តន៍សេចក្តីសម្រេចរបស់អង្គការសហប្រជាជាតិ។
ក្នុងកិច្ចប្រជុំនេះ ប្រមុខកាទូតអាមេរិកក៏បានទទូចឱ្យប្រទេសសមាគមន៍អាស៊ាន បន្ថយទំនាក់ទំនងកាទូតជាមួយកូរ៉េ ខាង ជើងឱ្យបានច្រើនបំផុត។
ក្រៅពីនេះអាមរិកបានលើកឡើង អំពីជម្លោះដែនសមុទ្រនៅសមុទ្រចិនខាងត្បូងដោយទទូច ឱ្យសមាគមន៍អាស៊ានបង្កើត ឱ្យបានក្រមប្រតិបត្តិសមុទ្រ៕
