កូរ៉េខាងជើង: កាលពីថ្ងៃ អាទិត្យ ទី ៣០ មេសា ប្រទេសកូរ៉េខាងជើងបានបាញ់កាំជ្រួចមួយលើកទៀតដោយសំដៅទៅលើសមុទ្រនៃប្រទេសរុស្ស៊ី តែត្រូវបានរាយការណ៍មកថា កាំជ្រួចនោះបានផ្ទុះធ្លាក់មុនការកំណត់។

តាមគេហទំព័រ The Sun Express បានរាយការណ៍មកថា គោលបំណងដែលកូរ៉េខាងជើងបាញ់មីស៊ីលទៅរុស្ស៊ីនោះ គឺចង់អោយប្រធានាធិបតីរុស្ស៊ី ប្លាឌីមៀពូទីន បានឱ្យដឹងថា កូរ៉េខាងជើងចង់ឱ្យរុស្ស៊ីប្រុងប្រយ័ត្នអំពីសង្គ្រាមលោកលើកទី៣ដែលកើតឡើងនៅពេលដែលអាមេរិកវាយប្រហារទីក្រុងព្យុងយ៉ាង។

ទំនងដោយសាររឿងនេះហើយ បានជារុស្ស៊ីរំកិលទ័ពរបស់ខ្លួនដាក់ពង្រាយតាមព្រំដែនរុស្ស៊ី-កូរ៉េខាងជើងដើម្បីទប់ស្កាត់សកម្មភាពយោធាណាមួយរបស់ទីក្រុងព្យុងយ៉ាង។ តែយ៉ាងណាក៏ដោយ ទីក្រុងម៉ូស្គូ មិនទាន់ប្រតិកម្មណាមួយជុំវិញរឿងនេះនៅឡើយទេ។

ដូចគ្នានេះដែរ ចិនបានដាក់ពង្រាយកងទ័ពរបស់ខ្លួនរួចស្រេចអស់ហើយ ប្រមាណជា ១ម៉ឺន ៥ពាន់នាក់ នៅតាមព្រំដែនចិន-កូរ៉េខាងជើង។