បុរីវ៉ាទីកង៖ សម្ដេចសង្ឃកាតូលិក Pope Francis អំពាវនាវឱ្យជួយបញ្ចប់ វិបត្តិនៃប្រទេសកូរ៉េខាងជើង ដោយព្រះអង្គទទូចឱ្យមានការការចរចា រវាងសហរដ្ឋអាមេរិកនិង កូរ៉េខាងជើង។
តាមបណ្ដាញផ្សាយព័ត៌មានBBC ការអំពាវនាវរបស់ សម្ដេចសង្ឃកាតូលិក ធ្វើឡើង ចំពេលស្ថានការណ៍ យោធា នៅលើ ឧបទ្វីប កាន់តែតានតឹង ដោយសាតែ កូរ៉េខាងជើងបាន បាញកាំជ្រួចជាថ្មីទៀត កាល់ពីព្រឹកថ្ងៃសៅរិ៍ទី ២៩ ខែមេសា ដែលនាំឱ្យ សហរដ្ឋអាមេរិកបង្កើនវត្តមានយោធា នៅលើទឹកដីកូរ៉េខាងត្បូង កាន់តែខ្លាំងខ្លាឡើង។
ព្រះអង្គបានព្រមានថា វិបត្តិនេះអាចនឹងនាំទៅរកសង្រ្គាម ដ៏ខ្លាំងខ្លាមួយ ហើយបញ្ហាមនុស្សជាតិអាចនឹងត្រូវបានបំផ្លាញ ។
សម្ដេចសង្ឃកាតូលិក Pope Francis ដែលអំពាវនាវដូចនេះគឺជាលើកដំបូង ខណៈពញរះអង្គជាមេដឹកនាំសាសនា កាតូលិក ពិភពលោក ចង់ឃើញសន្តិភាពនៅឧបទ្វីបកូរ៉េ។
យ៉ាងណាក៏ដោយ សកម្មភាពកងទ័ពរវាងកូរ៉េខាងជើង និងអាមេរិក នៅរយៈពេលមួយសប្តាហ៍ដចុងក្រោយនេះ កាន់តែមានសភាពការណ៍ធ្ងន់ធ្ងរ ដោយសារតែកូរ៉េចាងជើង បានធ្វើសមយុទ្ធកាំភ្លើងធំ ឆ្លើយតប អាមេរិក និងកូរ៉េខាងត្បូង ធ្វើសមយុទ្ធរួមគ្នាដែរនោះ ។
ចិន និងរុស្សីដែលជាប្រទេសមហាអំណាចក៏បានអំពាវនាវឱ្យសហរដ្ឋអាមេរិក អត់ធ្មត់ឱ្យបានធខ្ពស់បំផុត ហើយ វិលមករកតុចរចា អំពីកម្មវិធីអាវុធនុយក្លេរអ៊ែររបស់កូរ៉េខាងជើងឡើងវិញ៕
