ភ្នំពេញ ៖ មេដឹកនំាអេស៊ានទំាង ១០ បានឯកភាពគ្នាក្នុងការពង្រឹងសន្តិសុខ ទប់ស្កាត់រាល់នូវអំពើភេរវកម្ម និងការជួញដូរ គ្រឿងញៀនគ្រប់ប្រភេទ ដើម្បីថែរក្សាសន្តិភាព និងខិតខំពង្រឹងសេដ្ឋកិច្ចក្នុងតំបន់ឱ្យកាន់តែរីកលូតលាស់ ដែលនំាមកនូវ ផលប្រយោជន៍ សម្រាប់ប្រជាជាតិទំាងអស់។ នេះបើតាមគេទំព័រហ្វេសប៊ុករបស់សម្តេច ហ៊ុន សែន បង្ហោះផ្សាយជា សាធារណៈនៅថ្ងៃទី ៣០ ខែមេសា ឆ្នំា២០១៧នេះ។
តាមគេហទំព័រដដែលឱ្យដឹងទៀតថា ក្នុ្ងងកិច្ចប្រជុំកំពូលអាស៊ានលើកទី ៣០ នៅទីក្រុង ម៉ានីឡា ប្រទេសហ្វីលីពីន ប្រមុខដឹក នាំអាស៊ានក៏បានចុះហត្ថលេខារួមលើសេចក្តីថ្លែងការណ៍ ស្តីពី តួនាទីរបស់មុខងារសាធារណៈជាកាតាលីករ ដើម្បីឈានទៅ សម្រេចបាននូវចក្ខុវិស័យសហគមន៍អាស៊ានឆ្នាំ ២០២៥ ផងដែរ។
តាមប្រភពដដែលគួសបញ្ជាក់ដែរថា កម្ពុជាមានមោទនៈភាពក្នុងនាមជាសមាជិក ដែលតែងតែចូលរួម និងគាំទ្រនូវសេចក្តី សម្រេចនានារបស់អាស៊ាន ដែលនាំមកនូវសន្តិភាព ស្ថេរភាព និងការរីកចម្រើនរួមគ្នានៅក្នុងតំបន់ និងក្នុងពិភពលោកទាំង មូល។
គួរជម្រាបដែរថា នៅថ្ងៃទី ៣០ មេសានេះ សម្តេច ហ៊ុន សែន រួមទំាងគណៈប្រតិភូជាន់ខ្ពស់កម្ពុជា នឹងវិលត្រទ្បប់មកកាន់មាតុ ប្រទេសវិញ បន្ទាប់ពីបានចូលរួមកិច្ចប្រជុំកំពូលអាស៊ានលើកទី ៣០ នៅទីក្រុងម៉ានីទ្បា ប្រទេសហ្វីលីពីន៕
