ខណៈស្ថានការណ៍យោធានៅលើឧបទ្វីបកូរ៉េ កាន់តែធ្ងន់ធ្ងរ រដ្ឋាភិបាលកូរ៉េខាងត្បូង បានចាបផ្ដើមណែនាំឱ្យពលរដ្ឋរបស់ខ្លួន ជាពិសេស កុមារឱ្យចេះពាក់ឧបរកណ៍ ការពារអាវុធគីមី ករណីសង្រ្គាមផ្ទុះឡើង បើកូរ៉េខាងជើងវាយប្រហារដោយអាវុធគីមី។
តាមប្រភពព័ត៌មានរបស់ The New York Time សិស្សសាលា នៅតាមព្រំដែនជាប់ កូរ៉េខាងជើង ត្រូវបានសាលាដាក់កំហិតឱ្យចេះប្រើប្រាស់ឧបករណ៍នេះមុនគេ។ ចំណែក នៅទីក្រុងសេអ៊ូល ក៏មានសេចក្ដីរាយការណ៍ថា សិស្សសាលា និងពលរដ្ឋ ត្រូវបានណែនាំឱ្យមានឧបករណ៍ការពារការសាយភាយ អាវុធគីមី មាននៅតាមផ្ទះ និង ត្រូវចេះប្រើប្រាស់។
តាមប្រភព New York Time ពលរដ្ឋនៅក្រុងសេអ៊ូល ភាគច្រើនបានទិញឧបរកណ៍នេះ យកមកប្រើ ហើយពួកគេបាននិយាយថា មិនខ្លាចសង្រ្គាមទេ ហើយបើកើតឡើងជាជោគវាសនារបស់ប្រទេសជាតិតែប៉ុណ្ណោះ។
ពលរដ្ឋទាំងនោះក៏សង្ឃឺមថា មានការបង្រួបបង្រួមគ្នាឡើងវិញ ក្រោយពី ដោះស្រាយ វិបត្តិដែល កំពុងកើតឡើងនេះ។
ប្រទេសកូរ៉េ បានពុះជាពីរនៅឆ្នាំ ១៩៥៣ ក្រោមសទិ្ធសញ្ញាយុទ្ធសន្តិភាពរបស់អង្គការសហប្រជាជាតិ៕
