ទីក្រុងម៉ានីល៖ អគ្គលេខាធិការសមាគមអាស៊ាន លោក Le Luong Minh បាននិយាយថា អាស៊ានប្រកាន់ជំហរ តែមួយគត់ គឺ ចង់្យមានកិច្ចចរចា ៦ភាគីឡើងវិញ ស្តីអំពី កម្មវិធីអាវុធនុយក្លេអ៊ែរកូរ៉េខាងជើង ខណៈស្ថានការណ៍យោធាតាន តឹងរវាងក្រុងព្យុងយ៉ាង និងក្រុងវ៉ាស៊ីនតោនកាន់តែធ្ងន់ធ្ងរ។
អគ្គលេខាធិការអាស៊ានបានឆ្លើយតប ទៅនឹងការអំពាវនាវរបស់កូរ៉េខាងជើង ដែលសុំឲ្យអាស៊ាន គាំទ្រ ក្រុងព្យុងយ៉ាងហើយវាយប្រហាអាមេរិក។
ក្នុងបទសម្ភាសន៏ជាមួយបណ្តាញផ្សាយព័ត៌មាន Channel News Asia លោក Le Luong Minh និយាយថា ជំហររបស់អាស៊ានមានតែមួយគត់គឺកាត់បន្ថយភាព តានតឹង លើឧបទ្វីបកូរ៉េ និង បញ្ចប់ការសាយភាយអាវុធនុយក្លេអ៊ែរ ហើយចាប់ ផ្តើមបើកការចរចា ៦ ភាគីឡើងវិញ។
ប្រទេស៦ភាគី ដែលជាប់ពាក់ព័ន្ធនឹងកម្មវិធីអាវុធនុយក្លេអែរ កូរ៉េខាងជើងមាន សហរដ្ឋអាមេរិក កូរ៉េខាងជើង កូរ៉េខាងត្បូង ជប៉ុន ចិន និង រុស្សី ។
កាលពីចុងខែមីនា រដ្ឋមន្រ្តីការបរទេសកូរ៉េខាងជើង បានផ្ងើលិខិត មកកាន់ អគ្គ លេខាធិការ អាស៊ាន ដែលក្នុងលិខិតនោះ បានសរសេរថា ស្ថានការណ៍លើ ឧប ទ្វីបកូរ៉េ បានដើរដល់មាត់ច្រាំង នៃសង្រ្គាម ជាមួយអាមេរិក ទៅហើយ ដែល ករណី សុំទទូចឱ្យអាស៊ាន ជួយ គាំទ្រ ក្រុងព្យុងយ៉ាង ។
នៅក្នុងកិច្ចប្រជុំមេដឹកនាំអាស៊ាន នៅក្រុងម៉ានីលនៅថ្ងៃនេះ គេរំពឹងថា ប្រមុខរដ្ឋ ឬប្រមុខរដ្ឋាភិបាល អាស៊ាន នឹង លើកឡើងផងដែរអំពីស្ថានការណ៍ យោធាលើ ឧបទ្វីបកូរ៉េ ៕
