ភ្នំពេញ៖ នៅថ្ងៃទី ២៦ ខែ មេសា ឆ្នំា ២០១៧នេះ គឺជាខួបប្រាំឆ្នំានៃការ បាញ់ សម្លាប់ លោក ឈុត វុទ្ធី អ្នកអភិរក្សធនធានធម្មជាតិនៅក្នុងប្រទេសកម្ពុជា។
អ្នកស្រី សម ចាន់ធី ភរិយា លោក ឈុត វុទ្ធី បានបង្ហាញអារម្មណ៍ឈឺចាប់ ចំពោះការផ្តល់ភាពយុត្តិធម៌ដល់ក្រុមគ្រួសាររបស់អ្នកស្រីក្នុងរយៈ ៥ ឆ្នំា កន្លងមកនេះដែលអ្នកស្រីថា«៥ ឆ្នំា គ្មានពន្លឺយុត្តិធម៌ចំពោះ រូបខ្ញុំនិង កូនៗ នោះទេ »។
ទោះបីយ៉ាងណាអ្នកស្រី ចាន់ធី នៅតែមានក្តីសង្ឃឹមថា នឹងទទួលបានយុត្តិធម៌ ពិតប្រាកដនៅក្នុងថ្ងៃណាមួយ។ តែបែបនេះក្ដីអ្នកស្រី ជឿថា ការសម្លាប់ប្តី របស់ អ្នកស្រី នឹងមានអ្នកបញ្ជានៅពីក្រោយ។
លោក ឈុត វុទ្ធី ប្រធានក្រុមអភិរក្សធនធានព្រៃឈើ នៅកម្ពុជា បានបាញ់ សម្លាប់ នៅស្រុកមណ្ឌលសីម៉ា ខេត្តកោះកុង កាលពីថ្ងៃ២៦មេសា ឆ្នាំ ២០១២ នៅពេលលោកដើរល្បាតព្រៃ៕
