អតីតរដ្ឋមន្ដ្រីការបរទេសហ្វីលីពីន Albert del Rosario កាលពីថ្ងៃអង្គារ៍ បានទទូចឱ្យសមាគមអាស៊ាន បង្ខំចិនអនុវត្តន៍ក្រមប្រតិបត្តិសមុទ្រនិងអនុវត្តតាមសេចក្ដីសម្រេចរបស់មជ្ឈិតការអន្ដរជាតិរឿងជម្លោះសមុទ្រខាងត្បូង។
កាលពីឆ្នាំ ២០១៥ តុលាការមជ្ឈិតការអន្ដរជាតិបានចេញសេចក្ដីសម្រេចដោយផ្ដល់សិទ្ធិអោយប្រទេសហ្វីលីពីន មានសិទ្ធចូលទៅកាន់តំបន់មួយចំនួននៅសមុទ្រចិនខាងត្បូងដែលតំបន់នោះភាគច្រើនត្រូវបានចិនចូលទៅគ្រប់គ្រង។
អតីតរដ្ឋមន្ដ្រីការបរទេសហ្វីលីពីន បានបញ្ជាក់ទៀតថា អ្វីដែលចិនមិនព្រមអនុវត្តតាមមជ្ឈិតការអន្ដរជាតិបង្ហាញថា ចិនបានរំលោភលើសិទ្ធអធិបតេយ្យភាពរបស់ហ្វីលីពីន ហើយរំលោភលើគោលការណ៍ច្បាប់អន្ដរជាតិទៀតផង ។ក្នុងន័យនេះ អតីតរដ្ឋមន្ដ្រីរូបនេះ បានទទូចឱ្យរដ្ឋមន្ដ្រីការបរទេសអាស៊ានពិនិត្យមើលជំហររបស់ចិនឡើងវិញហើយសម្រេចអោយបាននូវក្រមប្រតិបត្តិសមុទ្រដែលសមាគមនេះបានរៀបរៀងឡើងកាលពីប៉ុន្មានឆ្នាំមុននេះ។
ជម្លោះសមុទ្រចិនខាងត្បូងកើតឡើងរវាងចិន ជាមួយហ្វីលីពីន ចិនជាមួយវៀតណាម ចិនជាមួយព្រុយនេ និងចិនជាមួយម៉ាឡេស៊ី៕ប្រភព:The Nation
