ភ្នំពេញ៖ ឧបការីរងក្រសួងការបរទេសសហរដ្ឋអាមេរិកទទួលបន្ទុកកិច្ចការអាស៊ីបាស៊ីភិក លោក ប៉ាទ្រិក មើហ្វ៊ី ត្រូវបំពេញទស្សនកិច្ចនៅកម្ពុជានៅថ្ងៃអង្គារទី២៥ ខែមេសានេះ ខណៈដែលស្ថានភាពនយោបាយនៅកម្ពុជានៅតែស្ថិតក្នុងភាពតានតឹងនៅឡើយ។
ក្នុងដំណើរទស្សនកិច្ចលោក មើហ្វ៊ី នឹងជួបមន្ត្រី រដ្ឋមន្ត្រីក្រសួងការបរទេសលោក ប្រាក់ សុខុន ជួបមេដឹកនាំគណបក្សប្រឆាំង ជួបមន្ត្រីសង្គមស៊ីវិលនិងជួបតំណាងវិស័យឯកជន។ នេះបើយោងតាមសេចក្តីប្រកាសព័ត៌មានរបស់ស្ថានទូតអាមេរិកនៅថ្ងៃនេះ។ សេចក្តីប្រកាសព័ត៌មានបញ្ជាក់បន្ថែមថាលោកឧបការីរងក្រសួងការបរទេសអាមេរិកនឹងត្រូវជួបសន្ទនាជាមួយសមាជិកនៃអង្គការគំនិតផ្តួចផ្តើមអ្នកដឹកនាំវ័យក្មេងនៅអាស៊ីអគ្នេយ៍( Young Southeast Asian Leaders Initiative)៕
