ភ្នំពេញ៖ នាយករដ្ឋមន្ត្រីកម្ពុជាសម្តេច ហ៊ុន សែន និងសមភាគីវៀតណាម លោក ហ្វៀន សួនហ៊្វុក បានជួបពិភាក្សាគ្នា ហើយ ដោយសំដៅ ពង្រឹង ចំណងមិត្តភាព និង សហប្រតិបត្តិការទ្វេភាគី លើ គ្រប់វិស័យ។
តាម ប្រភពព័ត៌មាន ស្នីទ្ធនឹង រដ្ឋាភិបាល ពិធីសំណេះសំណាលនេះធ្វើឡើងនៅវិមានសន្តិភាព។
ក្នុងជំនួបរវាងសម្តេច ហ៊ុន សែន និងលោក ង្វៀន សួនហ៊្វុក មេដឹកនាំទាំង២ នឹងលើកយកមកពិភាក្សា មានដូចជា ការពង្រីកទំនាក់ទំនង ការពង្រីកទំហំពាណិជ្ជកម្ម បញ្ហាសន្តិសុខប្រទេសទាំងពីរ ក៏ដូចជាក្នុងតំបន់។តែដំណើរទស្សនកិច្ចរបស់នាយករដ្ឋមន្ត្រីវៀតណាមនៅកម្ពុជានាពេលនេះ បានធ្វើឡើងចំខួប៥០ឆ្នាំ នៃទំនាក់ទំនងកម្ពុជា និងវៀតណាម។
គេរំពឹងថា សម្តេចហ៊ុន សែន និង លោក ង្វៀន សួនហ៊្វុក នឹងធ្វើជាអធិបតីក្នុងពិធីចុះហត្ថលេខាលើកិច្ចព្រមព្រៀង និងពិធីសារមួយចំនួនផងដែរ។
លោក ង្វៀន សួនហ៊្វុក ដែលមកដល់ប្រទេសកម្ពុជាកាលពីរសៀលថ្ងៃចន្ទ បានចូលក្រាបបង្គំគាល់ព្រះមហាក្សត្រខ្មែរ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី នៅព្រះបរមរាជវាំង។
ក្នុងដំណើរទស្សនកិច្ចនេះ គេរំពឹងថាលោក ង្វៀន សួនហ៊្វុក នឹងទៅដាក់កម្រងផ្កា គោរពវិញ្ញាណក្ខន្ធយុទ្ធជនពលីជីវិតក្នុងបុព្វហេតុរំដោះ ប្រជាជនកម្ពុជាចេញពីរបបប្រល័យពូជសាសន៍ ប៉ុល ពត នៅស្តូបមិត្តភាពកម្ពុជា និងវៀតណាម ៕
