ការបោះឆ្នោត ជម្រុះបេក្ខជន ប្រធានាធិបតី ប្រទេសបារាំងបានបិទបញ្ចប់ការពីថ្ងៃអាទិត្យទី ២៣មេសា ដោយបេក្ខជន ២រូប មានសំឡេងប្រហាក់ប្រហែលគ្នា គឺ លោក Emmanuel Macron និងលោកស្រី Marine Le Pen ។
ក្រោយពីការបិទបញ្ចប់ការបោះឆ្នោតជុំទី១ គណៈកម្មាការបោះឆ្នោតបានប្រកាសយកថ្ងៃទី ០៧ ឧសភាជាថ្ងៃបោះឆ្នោតជុំផ្ដាច់ព្រ័ត្រដែលមានបេក្ខជនតែពីររូបនេះ។
ការបោះឆ្នោតកាលពីថ្ងៃអាទិត្យម្សិលមិញ បេក្ខជនចូលរួម មាន ៧រូប ក្នុងនោះលោក Macron ទទួលបានសំឡេង ២៣,៩ភាគរយ និងលោកស្រី Le Pen ទទួលបាន ២១,៤ ភាគរយ។
អ្នកទាំងពីរនឹងត្រូវប្រកួតផ្ដាច់ព្រ័ត្រនៅខែក្រោយនេះ។
តាមការស្ទង់មតិដំបូងៗ លោក Macron ជាអ្នកឯកទេសខាងសេដ្ឋកិច្ច មកពីគណបក្សស្ដាំនិយម គឺ អាចនឹងក្លាយជាប្រធានាធិបតីថ្មីនៃសាធារណរដ្ឋបារាំង។
ភ្លាមៗបន្ទាប់ពីការបោះឆ្នោតបានបង្ហាញថា បេក្ខជនទាំងពីររូបនេះ មានឱកាសប្រកួតគ្នាក្នុងវគ្គផ្ដាច់ព្រ័ត្រ នៅខែក្រោយនេះ គឺ មានប្រតិកម្មចម្រុះក្នុងតំបន់។
រដ្ឋមន្រ្ដីនៃប្រទេសមួយចំនួននៃទ្វីបអឺរ៉ុបភាគច្រើនគាំទ្រ លោក Macron ដោយរួមទាំងប្រធានសហភាពអឺរ៉ុប លោក Jean-Claude Juncker សរសេរបេក្ខជនទាំងពីររូបនេះ បានបង្ហាញពីមោទនភាពចំពោះព្រឹត្តិការណ៍រៀបចំការបោះឆ្នោតនៅប្រទេសបារាំងដែលធ្វើឡើងដោយការប្រុងប្រយ័ត្នអំពីសន្ដិសុខយ៉ាងខ្លាំងក្លា។
ស្របពេលនេះដែរ រដ្ឋមន្រ្ដីការបរទេសអង់គ្លេស ហូឡង់ អ៊ីតាលី ណ័រវេស និងប្រធានគោលនយោបាយសហភាពអឺរ៉ុបក៏សាទរចំពោះការបោះឆ្នោតនៅប្រទេសបារាំងផងដែរ៕
