នៅពេលដែលស្ថានការណ៍យោធានៅលើឧបទ្វីកូរ៉េកំពុងតានតឹងស្រាប់ទៅហើយនោះ ឥទ្បូវនេះកងទ័ពសហរដ្ឋអាមេរិកនិងកូរ៉េខាងត្បូងចាប់ផ្តើមធ្វើសមយុទ្ធទ្រង់ទ្រាយធំជាងពេលមុនៗ ដោយមាន យន្តហោះជាង១០០គ្រឿងហោះពេញអាកាសកំញើញ ទីក្រុងព្យុងយ៉ាង។

បើតាមសារព័ត៌មានកូរ៉េខាងត្បូង National Interest  សមយុទ្ធបានចាប់ផ្តើមតាំងពីថ្ងៃទី១៧ ហើយ បិទបញ្ចប់នៅថ្ងៃទី២៨ មេសា។ សមយុទ្ធនេះ ចាប់ផ្ដើមភ្លាមៗបន្ទាប់ពីអនុប្រធានាធិបតីអាមេរិក Mike Pence មកធ្វើទស្សនកិច្ចនៅទីក្រុងសេអ៊ូលដោយបានសន្យាជួយការពារ ដែនសន្តិសុខកូរ៉េខាងត្បូងឱ្យបានខ្លាំងក្លាជាងមុនក្នុងអន្តរកាលនៃការគ្រប់គ្រងអំណាចរបស់លោក ដូណាល់ត្រាំ។
ការធ្វើសមយុទ្ធដែលមានរូបភាពដ៏ធំនេះគឺមានទាំងទ័ពជើងគោក ទ័ពជើងទឹក និងទ័ពអាកាសនៃប្រទេសទាំងពីរ។ អ្នកសង្កេតការណ៍មើលឃើញថា សមយុទ្ធនេះ គឺជាសញ្ញាយ៉ាងពិតប្រាកដដែលក្រុងវ៉ាស៊ីនតោនត្រៀមជាស្រេចដើម្បីវាយប្រហារទៅលើទីក្រុងព្យុងយ៉ាង ប្រសិនបើសង្គ្រាមផ្ទុះទ្បើងនោះ។ កងទ័ពអាមេរិកនៅលើទឹកដីកូរ៉េខាងជើងមាន ជិត ៣ម៉ឺននាក់ ហើយស្របពេលនេះ អាមេរិក បានបញ្ជូននាវាចម្បាំង ដ៏ធំចំនួន ៣គ្រឿងបំពាក់ ដោយ កាំជ្រួចរាប់រយដើមនិងយន្តហោះ ចម្បាំងរាប់រយគ្រឿងបានទៅដាក់ពង្រាយរួចហើយ នៅតំបន់សមុទ្រប៉ាស៊ីហ្វិច ដែលជាការត្រៀមធ្វើសង្គ្រាម៕ ប្រភព:National Interest