ភ្នំពេញ ៖ សម្ដេចនាយករដ្ឋមន្ត្រី ហ៊ុន សែន ជួបសំណេះសំណាលសកម្មជនបក្សប្រជាជនកម្ពុជានៅថ្ងៃសុក្រទី ២១ មេសានេះសំដៅបន្តពង្រឹងស្មារតីសកម្មជនបក្សដើម្បីយកជ័យជំនះក្នុងការបោះឆ្នោតក្រុមប្រឹក្សាឃុំ សង្កាត់ ដែលអ្នកសង្កេតការណ៍មើលឃើញថា ការបោះឆ្នោតលើកនេះមានការប្រកួតប្រជែងគ្នាយ៉ាងខ្លំាងរវាងគណបក្សធំ ២ ដែលមានអាសនៈនៅរដ្ឋសភា។
ក្នុងជំនួបមួយដែលត្រូវបានផ្សព្វផ្សាយដោយគេហទំព័រស្និទ្ធនឹងបក្សកាន់អំណាចបានឱ្យដឹងថា សកម្មជនបក្សនៅតាម បណ្តាក្រសួងនានានៅរាជធានីភ្នំពេញប្រមាណជា ៤ ពាន់នាក់ បានអញ្ចើញឱ្យមកស្តាប់ការណែនំារបស់សម្តេច នាយករដ្ឋមន្រ្តីស្តីពីដំណើរឆ្ពោះទៅរកការបោះឆ្នោតថ្ងៃទី ៤ មិថុនា ខាងមុខនេះ។
តាមប្រភពដដែលពិធីនេះធ្វើទ្បើងនៅមជ្ឈមណ្ឌលពិព័ណ៍ និង សន្និបាតកោះពេ្រជ។
កន្លងមកប្រមុខរដ្ឋាភិបាលនឹងជាប្រធានគណបក្សកាន់អំណាចតែងតែក្រើនរំលឹកឱ្យអ្នកគំាទ្រ និងសកម្មជនបក្សកាន់អំណាចខិតខំការពារសមិទ្ធិផលរបស់បក្សនិងរដ្ឋាភិបាល ដោយមិនត្រូវធ្វើឱ្យបក្សខូចកិត្តិយសដោយសារខ្លួននោះទេ។
កាលពីថ្ងៃម្សិលមិញក្នុងពិធីផ្តល់កិត្តិយសដល់ កីទ្បាការិនី អ៊ុក ស្រីមុំ ដែលទទួលបានពានរង្វាន់មេដាយមាសពិភពលោកក្នុងប្រកួតប្រជែងកីទ្បាប៉េតុង សម្តេចនាយករដ្ឋមន្រ្តីមានប្រសាសន៍ដោយ គំរាមកំហែងថាបើបក្សប្រជាជនមិនមានលទ្ធភាពគ្រប់គ្រងអំណាចបានទៀតនោះគឺកម្ពុជាអាចនឹងមានសង្គ្រាមម្តងទៀត។
សម្តេចបានបញ្ជាក់ទៀតថា ដើម្បីទប់ស្កាត់កុំឱ្យមានសង្គ្រាមត្រូវតែបោះឆ្នោតឱ្យគណបក្សប្រជាជនកម្ពុជា៕
