លោក អ៊ូ វីរៈ ប្រធានអង្គការវេទិកាអនាគត និងជាអ្នកតាមដានស្ថានការណ៍សង្គមកម្ពុជា បានសន្និដ្ឋានថា គណបក្សប្រជាជនកម្ពុជា អាចនឹងជិតដល់ពេលជិះសេះលែងដៃដូចទៅនឹងអាណត្តិមុនទៀតហើយ។ ការលើកឡើងរបស់អ្នកតាមដានស្ថានការណ៍សង្គមរូបនេះ ក៏ព្រោះលោកមើលឃើញពីស្ថានការណ៍នយោបាយហាក់ឡើងកម្ដៅតាន់តឹងខ្លាំង។ ជាក់ស្តែងកាលពីពេលថ្មីៗនេះ គណបក្សប្រជាជនកម្ពុជាបានបង្ហាញសាច់ដុំ និងកំពុងតែប្រើប្រាស់សាច់ដុំនេះ ដាក់សម្ពាធទៅលើគណបក្សប្រឆំាង ដូចជាករណីចាប់ខ្លួនដាក់ពន្ធនាគារ លោក ហុង សុខហួរ សមាជិកព្រឹទ្ធសភាមកពីគណៈបក្សសមរង្ស៊ី និងសើរើឡើងវិញនៅព្រឹត្តិការណ៍ ហិង្សានៅលើស្ពាននាគក្បែរទីលានប្រជាធិបតេយ្យ ដោយចាប់មន្រ្តី និងសកម្មជនគណបក្សសង្រ្គោះជាតិដាក់ពន្ធនាគារព្រៃសពី ៧ ទៅ២០ឆ្នាំផងដែរ។
ដើម្បីជ្រាបព័ត៌មានលម្អិត សូមអញ្ជើញស្តាប់បទសម្ភាសន៍រវាងលោក ធូ វីរៈ អ្នករាយការណ៍ព័ត៌មានរបស់ WMC ជាមួយលោក អ៊ូ វីរៈ ប្រធានអង្គការវេទិកាអនាគត និងជាអ្នកតាមដានស្ថានការណ៍សង្គមកម្ពុជា ដូចតទៅ៖
