(ភ្នំពេញ)៖ នៅព្រឹកថ្ងៃទី១៩ ខែមេសា ឆ្នាំ២០១៧នេះ សម្តេច ហ៊ុន សែន នាយករដ្ឋមន្ត្រីនៃកម្ពុជា អញ្ជើញសំណេះសំណាលជាមួយមន្ត្រីរាជការប្រមាណ៤ពាន់នាក់ នៅមជ្ឈមណ្ឌលពិព័រណ៍ និងសន្និបាតកោះពេជ្រ រាជធានីភ្នំពេញ។នេះបើតាមគេហទំព័រក្នុងស្រុកមួយដែលស្និតនឹងរដ្ឋាភិបាល។
តាមគេហទំព័រនោះដដែល មន្ត្រីរាជការដែលត្រូវជួបសំណេះសំណាលជាមួយប្រមុខរាជរដ្ឋាភិបាលកម្ពុជា មានមកពីមកពីក្រសួងចំនួន៥ រួមមាន ក្រសួងព័ត៌មាន ក្រសួងសាធារណការ និងដឹកជញ្ជូន, ក្រសួងប្រៃសណីយ៍ និងទូរគមនាគមន៍, ក្រសួងយុត្តិធម៌ និងក្រសួងធនធានទឹក និងឧតុនិយម៕
