សៀមរាប៖ សម្តេច ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញចូលរួមប្រកួតកីឡាវាយកូនហ្គោល “ពានរង្វាន់សម្តេច តេជោនាយករដ្ឋមន្ត្រី ២០១៧” នៅ Angkor Golf Resort ក្រុងសៀមរាប នៅព្រឹក ថ្ងៃទី ១២ ខែ មេសា ឆ្នាំ ២០១៧ នេះ ។នេះបើតាមឱ្យដឹងនៅលើហ្វេសប៊ុករបស់សម្ដេច នៅថ្ងៃនេះ។
តាមហ្វេសប៊ុករបស់សម្ដេច ដដែល កម្មវិធីប្រកួតកីឡាវាយកូនហ្គោល “ពានរង្វាន់សម្តេច តេជោនាយករដ្ឋមន្ត្រី ២០១៧”នៅព្រឹកនេះ មានកីឡាករ ចូលរួម២០ប្រទេស រួមទាំងវត្តមានរបស់សម្ដេច ហ៊ុន សែន នាយករដ្ឋមន្ដ្រីកម្ពុជាផងដែរ។
ក្នុងកម្មវិធីប្រកួតនឹងត្រូវបែងចែកជា ២ពេល គឺ ពេលព្រឹក និងពេលរសៀល។ ចំណែក អ្នកដែលចូលរួមប្រកួតនៅព្រឹកនេះ គឺ មានចំនួន ៦៨នាក់ ដោយឡែកនៅពេលរសៀល គឺ មានចំនួន ៧២នាក់ ។
ជាមួយគ្នានេះ កម្មវិធីប្រគល់ពានរង្វាន់ គឺ នឹងធ្វើឡើងនៅល្ងាច ថ្ងៃទី ១២ ខែមេសា ឆ្នាំ ២០១៧នេះ នៅសណ្ឋាគារ Angkor Palace Spar and Resort ក្រោមអធិបតីភាពដ៏ខ្ពង់ខ្ពស់ សម្តេច ហ៊ុន សែន ៕
