បាត់ដំបូង៖ ចៅសង្កាត់រង ទី ២ និងបេក្ខនារីលេខរៀងទី១ ឈរឈ្មោះបោះឆ្នោតជ្រើសរើសក្រុមប្រឹក្សាសង្កាត់អូរចារ ខេត្តបាត់ដំបង មកពីគណបក្សសង្គ្រោះជាតិ កញ្ញា ស៊ិន ចាន់ពៅរ៉ូហ្សេត ដែលរងបណ្តឹងពីមន្រ្តីប៉ូលិសម្នាក់ ខណៈកញ្ញាចុះ ទៅឃ្លាំមើលប្រជាពលរដ្ឋតវ៉ារារាំងការអនុវត្តដីការបស់តុលាការខេត្តបាត់ដំបង ប្ដេជ្ញាមិនដកខ្លួនទោះជាជាប់បណ្ដឹងរបស់ សមត្ថកិច្ចក៏ដោយ។
កញ្ញា រ៉ូហ្សេត បញ្ជាក់ថា នៅមុនការបោះឆ្នោតក្រុមប្រឹក្សាឃុំសង្កាត់ជិតចូលមកដល់ បេក្ខជនមកពីគណបក្សសង្គ្រោះជាតិ ដែលឈរឈ្មោះក្នុងការបោះត្រូវបានរងបណ្តឹងជាច្រើន ដែលកញ្ញាថា នេះជារូបភាពបំភិតបំភ័យបក្សប្រឆាំង។ យ៉ាងណា កញ្ញាបន្ថែមថា កញ្ញាបេ្តជ្ញាមិនដកខ្លួនចេញពីការឈរឈ្មោះជាបេក្ខនារី នៃគណបក្សសង្គ្រោះជាតិទេ ទោះបីកញ្ញាត្រូវគេចាប់ ដាក់ពន្ធនាគារក៏ដោយ។
ចៅសង្កាត់រង ទី ២ សង្កាត់អូរចាររូបនេះបន្តថា តំណាងចៅសង្កាត់ ឬមេឃុំជាស្រ្តី នឹងអាចជួយដោះស្រាយបញ្ហា និងផ្តល់ការ ប្រឹក្សាដល់ស្រ្តីក្នុងសហគមន៍បានល្អប្រសើរជាងបុរស។
តទៅនេះសូមស្តាប់កិច្ចសម្ភាសន៍រវាងលោក កែវ សុខា អ្នករាយការណ៍ព័ត៌មាននៃមណ្ឌលព័ត៌មានស្រ្តីកម្ពុជា ជាមួយកញ្ញា ស៊ិន ចាន់ពៅរ៉ូហ្សេត ដូចតទៅ!
