ភ្នំពេញ៖ លោកមេធាវីការពារក្ដីអ្នកវិភាគ រិះគន់បក្សកាន់អំណាច បានប្រតិកម្ម ទៅនឹងសាលា ឧរទ្ធណ៍ ដែលបានច្រាន់ចោលបណ្តឹងសុំនៅក្រៅឃុំរបស់កូនក្ដីគឺលោកគឹមសុខ ដោយ បានហៅ សេចក្ដីសម្រេច មិនឱ្យ លោកគឹម សុខនៅក្រៅឃុំ ថា ជាការសម្រេចមួយ មិនយុត្តិធម៌ ឡើយ ។
លោក គឹម សុខ អ្នកវិភាគបញ្ហាសង្គម និងនយោបាយ ត្រូវបានចាប់ខ្លួន កាលពីថ្ងៃទី១៧ ខែកុម្ភៈ បន្ទាប់ពីលោកចូលខ្លួនទៅបំភ្លឺ តាមបណ្តឹងរបស់មេធាវីសម្តេចនាយករដ្ឋមន្ត្រី ហ៊ុន សែន។
តុលាការរាជធានីភ្នំពេញ បានចោទប្រកាន់អ្នកវិភាគមិនសំចៃមាត់រូបនេះ ចំនួនពីរ គឺបទ «ញុះញង់ឱ្យប្រព្រឹត្តិបទឧក្រិដ្ឋជាអាទិ៍ និងបរិហាកេរ្តិ៍ ជាសាធារណៈ»។ ប៉ុន្តែ មេធាវីការពារក្ដី អ្នកវិភាគរូប បានចាត់ទុកការឃុំខ្លួនមិនស្របច្បាប់ដោយសម្រេចប្ដឹងសុំនៅក្រៅឃុំ។
ការសុំនៅក្រៅត្រូវបានច្រានចោល ជាថ្មីទៀត ដោយលោក ងួន អ៊ីម ចៅក្រមសភាស៊ើបសួរនៃសាលាឧទ្ធរណ៍នៅថ្ងៃទី ២២ ខែ មីនា ឆ្នាំ ២០១៧នេះ ។
លោក ជួង ជូងី មេធាវីការពារក្តីឲ្យលោក កឹម សុខ បានប្រាប់អ្នករាយការណ៍ពត៌មានថា ការ សំអាងហេតុថា ដើម្បីបញ្ចប់បទល្មើសកុំឲ្យកើតឡើងជាថ្មី និង រក្សាជនជាប់ចោទនៅក្នុងការឃុំខ្លួនគឺ ដើម្បីឲ្យតុលាការចាត់ការតាមនីតិវិធីគឺ មិនសមហេតុផលឡើយ។
លោក ជួង ជូងី ៖«នៅក្នុងបទចោទពីបទញុះញង់ឲ្យប្រព្រឹត្តិបទឧក្រិដ្ឋ និងបទបរិហាកេរ្តិ៍ជាសាធារណៈពីមហាជនឃើញមានការចោទប្រកាន់ភ្លាម មហាជនអត់អាចសន្និដ្ឋានភា្លមថាពិតជាមានបទល្មើសទេ ព្រោះបទញុះញង់នេះមិនបានបង្កព្យសនកម្មផ្ទាល់ចេញពីការវិភាគតាមវិទ្យុអាស៊ីសេរីរបស់លោក កឹម សុខ ទេ»។
ជុំវិញការបដិសេធនេះ លោកមេធាវីការពារលោក កឹម សុខ បានសម្រេចប្តឹងសារទុក្ខទៅតុលាការកំពូលបន្តទៀត។ យ៉ាងណាក៏ដោយ វិទ្យុស្ត្រីមិនអាចសុំការឆ្លើយតបបានទេជុំវិញ ការជំទាស់របស់លោកមេធាវីជួនជូងី ពីលោក ងួន អ៊ីម ចៅក្រមសភាស៊ើបសួរនៃសាលាឧទ្ធរណ៍ ដោយគ្មានប្រភពទាក់ទង។
លោក គឹមសុខ ត្រូវបាន មេធាវីសម្តេចនាយករដ្ឋមន្ត្រី ហ៊ុន សែន កាលពីថ្ងៃទី ១៣ ខែកុម្ភៈ ឆ្នាំ២០១៧ បានប្តឹង បន្ទាប់ពីអ្នកវិភាគរូបនេះធ្វើអត្ថាធិប្បាយនៅក្នុងវេទិកាវិទ្យុអាស៊ីទាក់ទិនឃាតកម្មលើ លោកបណ្ឌិត កែម ឡី។ មេធាវីរបស់សម្តេចបានប្តឹងទាមទារសំណងជំងឺចិត្ត ៥០ម៉ឺនដុល្លារពីលោក គឹម សុខ និងស្នើឱ្យតុលាការផ្តន្ទាទោសតាមច្បាប់។
អង្គការសិទ្ធិមនុស្ស ជាតិ និងអន្តរជាតិ ចាត់ទុក ការឃុំខ្លួនលោក គឹមសុខ ថាជា វិធានការ បំបិទ សំឡេង អ្នក រិះគន់៕
