ប្រទេសចិនបានបង្ហាញការប្តេជ្ញាចិត្តក្នុងការថែរក្សាបណ្តូរពាណិជ្ជកម្មពហុភាគីជាមួយបណ្តាប្រទេសដែលមានការអភិវឌ្ឍតិចតួច។
លោក វ៉ាង ស៊ូវ៉ិន (Wang Shouwen) អនុរដ្ឋមន្ត្រីក្រសួងពាណិជ្ជកម្មចិនបានថ្លែងក្នុងពិធីបើកកិច្ចប្រជុំតុមូលចិនអំពីការចូលសមាជិកភាពនៃអង្គការពាណិជ្ជកម្មពិភពលោក(WTO) ក្នុងក្រុងសៀមរាបកាលពីថ្ងៃ ចន្ទ័ ថា ៖ «ក្នុងនាមជាសមាជិកអង្គការពាណិជ្ជកម្មពិភពលោក យើងត្រូវបន្តជំរុញការប្តេជ្ញាចិត្តខ្ពស់ប្រពន្ធ័បណ្តូរពាណិជ្ជកម្មជាពហុភាគី»។
ចំពោះមុខតំណាងប្រទេសដែលមានការអភិវឌ្ឍតិចតួច និងតំណាងអង្គការពាណិជ្ជកម្មពិភពលោក លោក វ៉ាង បន្ថែមថា ៖ «ប្រទេសចិនប្តេជ្ញាចិត្តថែរក្សាប្រពន្ធ័បណ្តូរពាណិជ្ជកម្មជាពហុ ភាគីនោះ គឺ ការបើកចំហ មានតម្លាភាព ការបញ្ចូលគ្នា និងផ្តល់ភាពចំណេញសំរាប់ទាំង អស់គ្នា»។
យោងតាមបញ្ជីរបស់អង្គការសហប្រជាជាតិបច្ចុប្បន្នមានប្រទេសដែលមានការអភិវឌ្ឍតិចតួចចំនួន៤៨ក្នុងនោះប្រទេសចំនួន ៣៦នឹងត្រូវក្លាយជាសមាជិកអង្គការពាណិជ្ជកម្មពិភពលោក។
លោក វ៉ាង ស៊ូវ៉ិន (Wang Shouwen) អនុរដ្ឋមន្ត្រីក្រសួងពាណិជ្ជកម្មចិនលើកឡើងថា ចាប់ពីឆ្នាំ១៩៩៥ដល់ឆ្នាំ២០១៥ ការនាំចេញរបស់ប្រទេសដែលមានការអភិវឌ្ឍតិចតួច និងជាសមាជិកអង្គការពាណិជ្ជកម្មពិភពលោកបានកើនពី១៥,២ពាន់លានដុល្លារអាមេរិកដល់១៣៩,៣លានដុល្លារ៕
