ហ្វីលីពីន៖មិនត្រឹមនិយាយពាក្យថា មិនខ្លាចនោះទេ គឺលោកប្រធានាធិបតីហ្វីលីពីន Rodrigo Duterte ថែមទាំងប្រើពាក្យថា សូមស្វាគមន៍ តុលាការឧក្រិដ្ឋកម្មអន្តរជាតិ ដែលដាក់ឈ្មោះលោក ដើម្បីបើកជំនុំជម្រៈក្ដីក្នុងសំណុំរឿងសង្គ្រាមគ្រឿងញៀន ។
មនុស្សជាង ៨០០០ នាក់ ត្រូវបានសម្លាប់តាំងពីលោក ឌូ ទើតេ ឡើងកាន់អំណាចតាមរយៈការបោះឆ្នោត ហើយលោកបានចាប់ផ្តើមធ្វើយុទ្ធការប្រឆាំងគ្រឿងញៀន ក្នុងនោះ១ភាគ៣នៃការវាយប្រហារគឺមានការបាញ់សម្លាប់ដោយនគរបាលបញ្ជាក់ថា ដើម្បីការពារខ្លួន។
លោក ឌូ ទើតេ ថ្លែងប្រាប់អ្នកសារព័ត៌មានយ៉ាងខ្លីមុនលោកចាកចេញទៅភូមាថា លោកមិនមានការភ័យខ្លាច និងមិនឈប់ធ្វើអ្វីដែលកំពុងធ្វើទេ បើទោះជាមានចំណាត់ការពីតុលាឧក្រិដ្ឋកម្មអន្តរជាតិឬការចោទលោកករណីបំពានអំណាចក៏ដោយ។
ទោះជាយ៉ាងណា លោកនៅតែសន្យាបន្តប្រឆាំងចំពោះអំពើពុករលួយ ឧក្រិដ្ឋកម្ម និងបញ្ហាគ្រឿងញៀន ព្រោះលោកចាត់ទុកករណីទាំងនោះជារឿងព្រៃផ្សេង។
អ្វីដែលនាំឱ្យលោក Duterte ប្រឈមមុខនឹងICCដូចនេះ គឺ ដោយសារតែក្រុមសិទ្ធិមនុស្ស អន្តរជាតិធំៗ ដូចជា អង្គការ Human Rights Watch និង Amnesty International បានចោទប្រធានាធិបតីរូបនេះ ពីបទឧក្រិដ្ឋកម្មប្រឆាំងមនុស្សជាតិ ដោយ សារលោកបើកយុទ្ធនាការធ្វើសង្គ្រាមប្រឆាំង គ្រឿងញៀន ។
តែបើលោក Duterte ប្រកាន់ជំហរបែបនេះ ជាលើកដំបូងហើយ ដែលមេដឹកនាំកំពុងកាន់អំណាចនៅអាស៊ីអាគ្នេយ៍ មួយនេះ មិនខ្លាចញញើត ICC គឺខុសនឹងមេដឹកនាំមួយចំនួនទៀតដែលតែងតែបន្តការបង្ក្រាបក្នុងរឿងរំលោភសិទ្ធិមនុស្ស ហើយគេចវេសពីICC៕ Reuters
