នៅទីបំផុត រដ្ឋមន្ដ្រីការបរទេសថ្មី សហរដ្ឋអាមេរិកដែលកំពុងធ្វើទស្សនកិច្ចនៅលើទឹកដីកូរ៉េខាងត្បូងបានព្រមានថា គោលនយោបាយនៃភាពអត់ធ្មត់របស់អាមេរិក ចំពោះកូរ៉េខាងជើង គឺ លែងមានទៀតហើយ ដែលជម្រើសមានតែមួយគត់ធ្វើសង្គ្រាមប្រឆាំងក្រុងព្យុងយ៉ាង ។
លោករដ្ឋមន្ដ្រី Rex Tillerson បាននិយាយថា ជម្រើសមួយទៀតគឺការមកជួបគ្នានៅតុចរចា តែប្រសិនបើកូរ៉េខាងជើង ប្រើប្រាស់កម្មវិធីអាវុធនុយក្លែអ៊ែរ គ្រាន់តែជាលេសនោះ ជម្រើសចុងក្រោយ ប្រតិបត្តិការយោធា ប្រឆាំងនិងរដ្ឋកុមុយនីសមួយនេះ ។
ក្នុងអំឡុងទស្សនកិច្ចកូរ៉េខាងត្បូង បានទៅជួបសួរសុខទុក្ខកងទ័ពអាមេរិក ដែលមានមូលដ្ឋាននៅលើទឹកដីអាស៊ីខាងកើតមួយនេះ ។
ដំណើរទស្សនកិច្ចនេះ លោកបានជួបជាមួយរដ្ឋមន្ដ្រីកូរ៉េខាងត្បូង បន្ទាប់ពីលោកបញ្ចប់ទស្សនកិច្ចនៅប្រទេសជប៉ុន ។
សហរដ្ឋអាមេរិកបានដាក់ពង្រាយកាំជ្រួច Thaad រួចហើយ នៅលើទឹកដីកូរ៉េខាងត្បូង ដើម្បីការពារសម្ព័ន្ធមិត្តរបស់ខ្លួនប្រសិនបើមានការវាយប្រហារណាមួយពីសំណាក់កូរ៉េខាងជើង។ កងទ័ពសហរដ្ឋអាមេរិក នៅលើទឹកដីកូរ៉េខាងត្បូងមានជិត ៣ម៉ឺននាក់ ៕ BBC
