សាធារណរដ្ឋបារាំង និង ប្រទេសGambia ចាប់ផ្ដើមបើកទំព័រទំនាក់ទំនងទ្វេភាគីជាថ្មី បន្ទាប់ មេដឹកនាំផ្ដាច់ការYaya Jammeh ត្រូវបាន ប្រជាជនGambia បោះឆ្នោតទំលាក់ពីអំណាចកាលពីចុងឆ្នាំ២០១៦។ នៅថ្ងៃនេះ លោក Adama Barrow មេដឹកនាំជាប់ឆ្នោត បានជួបជាមួយសមភាគីបារាំងបារាំង François Hollandeនៅវិមានប្រធានាធិបតី ដែលជាជំនួប ប្រវត្តិសាស្ត្រនៃប្រទេសទាំង២។
ជារឿងអស្ចារ្យមួយក៏ថាបាន កាលពីថ្ងៃទី ១៥ មីនា ប្រទេសតូចមួយនៃទ្វីបអាហ្វ្រិក គឺ ប្រទេសGambia ដែលមានប្រជាជន ២លាននាក់ ប៉ុណ្ណោះត្រូវបាន ប្រទេសមហាអំណាចមួយ គឺ ប្រទេសបារាំងចងស្ពានមេត្រីយ៉ាងជិតស្និទ្ធ តាមការជួបកំពូល រវាងលោកប្រធានាធិបតី François Hollande និង សមភាគី Adama Barrow ។ ទស្សនកិច្ចរបស់លោក Barrow នៅទីក្រុងប៉ារីស ធ្វើឡើងតាមការអញ្ជើញរបស់ប្រធានាធិបតីហូឡង់ ។
ក្នុងការបង្ហាញភាពស្និទស្នាលជាលើដំបូងរវាងមេដឹកនាំប្រទេសទាំងពីរ បានឆ្លុះបញ្ចាំងឱ្យឃើញពីការបើកទំព័រប្រវត្តិសាស្ដ្រថ្មី របស់សាធារណបារាំងទទួលបដិសណ្ឋារកិច្ចប្រធានាធិបតី Gambia ដែលទើបចូលកាន់តំណែងតាមរយៈការបោះឆ្នោតប្រធានាធិបតីកាលពីថ្ងៃទី ១ធ្នូ ឆ្នាំ ២០១៦ ហើយការចូលកាន់តំណែងរបស់លោក Barrow ក៏កើតឡើងតាមរយៈការជួយគាំទ្រយ៉ាងខ្លាំងពីរដ្ឋាភិបាលបារាំង ។
ប្រធានាធិបតីបារាំង François Hollandeបានសាទរសមភាគី Barrow ដោយការសន្យាជួយស្ដារលទ្ធិប្រជាធិបតេយ្យ និងការអភិវឌ្ឍ ប្រទេស Gambia តូចមួយនេះ ឡើងវិញ។
ប្រទេស Gambia ស្ថិតនៅភាគខាងលិចប្រទេសទ្វីបអាហ្វ្រិក ។ប្រទេសនេះ ស្ថិតនៅក្រោមការគ្រប់គ្រងរបស់លោក Yaya Jammeh រយៈពេល ២២ឆ្នាំ ដែលពោរពេញដោយការរំលោភសិទ្ធិមនុស្សធ្ងន់ធ្ងរ ។
លោក Jammeh ត្រូវបានកងទ័ពសហភាពអាហ្វ្រិកដែលគាំទ្រក្រុមប្រឹក្សាសន្ដិសុខអង្គការសហប្រជាជាតិ ជាពិសេសគឺប្រទេសបារាំងបណ្ដេញលោកពីវិមានប្រធានាធិបតីកាលពីថ្ងៃទី ២១មករា ឆ្នាំ ២០១៧ ។
ដោយឡែកទស្សនកិច្ចរបស់លោក Barrow ទៅទីក្រុងប៉ារីស តាមការអញ្ជើញរបស់លោកប្រធានាធិបតី François Hollandeគឺជាលើកដំបូងដែលមេដឹកនាំថ្មីរូបនេះ បានចាកចេញពីប្រទេសក្នុងឋានៈតំណាងឱ្យប្រជាជន Gambia ។ តាមសេចក្ដីរាយការណ៍របស់Freedom News Paper លោក Barrow នឹងត្រូវថ្លែងទៅកាន់សភាបារាំងដែលជួបនិងពាណិជ្ជករបារាំងផងដែរ ។
គេរំពឹងថា លោក Barrow នឹងលើកឡើងអំពីការកែទម្រង់ការដឹកនាំប្រទេស Gambia នៅក្រោមការដឹកនាំរបស់លោក៕Freedom News Paper
