ភ្នំពេញ៖គណៈកម្មាធិការជាតិ រៀបចំការបោះឆ្នោត បានបង្ហាញឈ្មោះ ស្លាកសញ្ញាគណបក្ស និងអក្សរកាត់គណបក្ស សម្រាប់ដាក់លើសន្លឹកឆ្នោត ក្នុងការបោះឆ្នោតជ្រើសរើស ក្រុមប្រឹក្សាឃុំ សង្កាត់ អាណត្តិទី៤។
ស្លាកសញ្ញាគណបក្ស ទាំង១២ដែលបង្ហាញដោយ គ.ជ.ប គឺទទួលបានការឯកភាពគ្រប់គណបក្សទាំងអស់ហើយ ក្រោយពីតំណាងគណបក្សនយោបាយទាំងនោះ បានពិនិត្យ និងចុះហត្ថលេខា។ ការបោះឆ្នោតក្រុមប្រឹក្សាឃុំ សង្កាត់ នឹងប្រព្រឹត្តិទៅនៅថ្ងៃទី៤ ខែមិថុនា ឆ្នាំ២០១៧ ខាងមុខនេះ។
មានគណបក្ស១២ ដែលចូលរួមប្រកួតប្រជែង ក្នុងនោះរួមមាន គណបក្សប្រជាជនកម្ពុជា, គណបក្សសង្គ្រោះជាតិ គណបក្សហ្វ៊ុនស៊ិនប៉ិច គណបក្សសម្ព័ន្ធដើម្បីប្រជាធិបតេយ្យ, គណបក្សខ្មែររួបរួមជាតិ គណបក្សសំបុកឃ្មុំសង្គមប្រជាធិបតេយ្យ គណបក្សសញ្ជាតិកម្ពុជា គណបក្សអំណាចខ្មែរ គណបក្សប្រជាធិបតេយ្យមូលដ្ឋាន គណបក្សយុវជនកម្ពុជាគណបក្សជនជាតិដើមប្រជាធិបតេយ្យកម្ពុជា និង គណបក្សសាធារណរដ្ឋប្រជាធិបតេយ្យ។
សមាជិកក្រុមប្រឹក្សាឃុំ សង្កាត់ មាន ១ម៉ឺន ១ពាន់ ៥រយ ២៧ នៅទូទាំង ១៦៤៦ឃុំ។ ពលរដ្ឋមានឈ្មោះបោះឆ្នោតលើបញ្ជីបោះឆ្នោតថ្មី ដែលចុះឈ្មោះបោះឆ្នោតតាមប្រព័ន្ធកុំព្យួទ័រមានជិត៨លាននាក់៕
