ទីក្រុងតូក្យូ: ប្រទេសជប៉ុនគ្រោងបញ្ជូននាវាចម្បាំងដ៏ធំធ្វើដំណើររយៈពេល៣ខែដោយឆ្លងកាត់ នៅតំបន់សមុទ្រចិនភាគខាងត្បូង នាដើមខែឧសភា ខាងមុខ។ ទីភ្នាក់ងារសារព័ត៌មាន Reuters បានស្រង់ប្រភពរបស់ បណ្ដាញផ្សាយព័ត៌មាន NBC ឲ្យដឹងថា នាវានេះមានឈ្មោះ Izumo។
នាវានេះផ្ទុកឧទ្ថម្ភាគចក្រ Izumo នឹងធ្វើការសំចតនៅ ប្រទេសសិង្ហបុរី ឥណ្ឌូនេស៊ី ប្រទេសហ្វីលីពីន និង ប្រទេសស្រីលង្កា មុនពេលដែលចូលធ្វើ សមយុទ្ធកងកម្លាំងយោធាជើងទឹក ជាមួយកងកម្លាំងយោធាជើងទឹកប្រទេសឥណ្ឌានិងសហរដ្ឋអាមេរិក នៅក្នុងមហាសមុទ្រឥណ្ឌានាខែកក្កដា ហើយប្រភពបាននិយាយថា វានិងត្រឡប់មកប្រទេសជ៉បុនវិញនៅខែសីហាផងដែរ។
ប្រទេសចិនបានអះអាងថា ស្ទើរតែទាំងអស់នៃ ដែនទឹកដែលមានជម្លោះ ដែលបានបង្កនូវវត្តមានរបស់យោធា បានជំរុញឲ្យសហរដ្ធអាមេរិក និង ប្រទេសជប៉ុន ធ្វើនាវាចរណ៏ទៅកាន់តំបន់នោះជាញឹកញាប់។ តៃវ៉ាន់, ម៉ាឡេស៊ី, វៀតណាម, ហ្វីលីពីននិងប្រទេសព្រុយណេបានអះអាងថា ផ្នែកខ្លះនៃតំបន់នោះជារបស់ពួកគេដែរ៕ ប្រភព:Reuters
