អង់គ្លេស៖ សភាប្រទេសអង់គ្លេសបានអនុម័តលើសេចក្ដីស្នើច្បាប់មួយ ដែលជាការត្រួសត្រាយផ្លូវដើម្បីឲ្យរដ្ឋាភិបាលអាចចាកចេញទាំងស្រុងពីសមាជិកភាពនៃសហភាពអឺរ៉ុប។
តាមបណ្ដាញផ្សាយព័ត៌មាន BBC សេចក្ដីស្នើច្បាប់នេះនឹងត្រូវបានព្រះមហាក្សត្រអង់គ្លេស ឡាយព្រះហស្ថលេខាឲ្យចូលជាធរមាននៅថ្ងៃអង្គារ៍ ទី១៤ មីនានេះ។ បើច្បាប់នេះចូលជាធរមានហើយនោះ មានន័យថា អង់គ្លេសនឹងដកខ្លួនជាផ្លូវការពីសមាជិកភាពនៃសភាពអឺរ៉ុប ដែលនាំឲ្យសហគមន៍ធំមួយនេះមានសមាជិកតែ ២៧ប្រទេសប៉ុណ្ណោះ។ តាមប្រភពដដែលនេះសមាជិកសភាដែលគាំទ្រមាន ២៧៤រូប ជំទាស់មាន ១១៨រូប។
សូមជម្រាបថា អ្វីដែលនាំឲ្យសភាអង់គ្លេសអនុម័តដូចនេះដោយសារតែប្រទេសនេះបានឆ្លងកាត់ការបោះប្រជាមតិកាលពីចុងឆ្នាំ២០១៦ ដោយសំឡេង ៥០ភាគរយ គាំទ្រឲ្យអង់គ្លេសដកខ្លួនចេញពីសមាជិកភាពអឺរ៉ុប។ ចំពោះរឿងនេះដែរ ប្រទេសតួកគី ក៏កំពុងរៀបចំធ្វើប្រជាមតិដកខ្លួនចេញពីសមាជិកភាពសហភាពអឺរ៉ុបផងដែរ។ ប៉ុន្ដែស្ថិតក្នុងស្ថានភាពចម្រូងចម្រាស់យ៉ាងខ្លាំង៕ BBC
