កូរ៉េខាងត្បូង៖ ប្រធានាធបតីកូរ៉េខាងត្បូងដែលមានរឿងអាស្រូវបំពានអំណាចរដ្ឋ និងពុករលួយត្រូវបានតុលាការប្រទេសនេះ បង្គាប់ឱ្យចាកចេញពីតំណែងជាបន្ទាន់។
នេះជាលើកដំបូងនៃប្រទេសសាធារណរដ្ឋដែលបណ្ដេញប្រធានាធិបតីរបស់ខ្លួនជាប់ឆ្នោតតាមបែបប្រជាធិបតេយ្យ ឱ្យចាកចេញពីតំណែង ។
កាលពីថ្ងៃម្សិលមិញ ចៅក្រមនៃតុលាការដ្ឋធម្មនុញ្ញបានសម្រេចជាឯកច្ឆ័ន តាមសេចក្ដីសម្រេចរបស់រដ្ឋសភា ដាក់លោកស្រី ប៉ាក់ គុនហេ មានកំហុសដោយសារតែបណ្ដោយឱ្យមានរឿងអាស្រូវពុករលួយ និងបំពានអំណាចរដ្ឋ ឋានៈជាប្រធានាធិបតី។
ដើមចមដែលធ្វើអោយលោកស្រី ប៉ាក គុនហេ ជួបវិបត្តិដូចនេះ ដោយសារតែមិត្តភក្ដិរបស់លោកស្រី គឺ លោកស្រី Choi Soon-sil បានប្រព្រឹត្តអំពើពុករលួយជម្រិតទារប្រាក់ក្រុមហ៊ុន ដែលយកតួនាទីរបស់លោកស្រី ប៉ាក់ ទៅប្រើប្រាស់ ។
លោកស្រី ប៉ាក់ គុនហេ ចាប់ពីថ្ងៃនេះតទៅបាត់បង់អភ័យឯកសិទ្ធ ជាប្រធានាធិបតី ហើយនឹងមានទោសបទឧក្រិដ្ឋទៀតផង។
សំណុំរឿងនេះ នាំអោយប្រជាជនកូរ៉េខាងត្បូង ជាច្រើនម៉ឺនសែននាក់បានធ្វើបាតុកម្ម បណ្ដេញលោកស្រីចេញពីតំណែង និងឈានដល់ការសម្រេចរបស់សភា ដកភារកិច្ចរបស់លោកស្រីទាំងស្រុង។
រយៈពេល ៦០ថ្ងៃដោយរាប់ពីថ្ងៃនេះតទៅ ប្រទេសកូរ៉េខាងត្បូងត្រូវរៀបចំការបោះឆ្នោតប្រធានាធិបតីឡើងវិញ៕
