តុលាការរដ្ឋធម្មនុញ្ញនៃប្រទេសកូរ៉េខាងត្បូងបានកំណត់ចេញសាលដីការសំណុំរឿងលោកស្រី ប្រធានាធិបតីប៉ាក គុនហេ នៅថ្ងៃសុក្រ សប្ដាហ៍នេះ ករណីមានរឿងអាស្រូវពាក់ព័ន្ធនឹងអំពើពុករលួយនិងបំពានអំណាចរដ្ឋ។
តាមទីភ្នាក់ងារសារព័ត៌មានរ៉យទ័រ ចៅក្រម ៩រូប និងធ្វើការវិនិច្ឆ័យសំនុំរឿងលោកស្រី ប៉ាក គុនហេ ហើយបើចៅក្រមភាគច្រើនកាត់ក្ដីអោយលោកស្រី មានទោស គឺលោកស្រី នឹងប្រឈមមុខការដកហូតអំណាចទាំងស្រុង។
តាមប្រភពដដែលនេះ កូរ៉េខាងត្បូងនឹងបោះឆ្នោតជ្រើសរើសប្រធានាធិបតីនៅខែធ្នូ ចុងឆ្នាំនេះ ខណៈលោកស្រីត្រូវនាំខ្លួនឡើងតុលាការ។
ក្នុងសំណុំរឿងនេះ យ៉ាងតិចមនុស្ស ៤នាក់ត្រូវបានចាប់ខ្លួនក្នុងនោះមាន ប្រធានក្រុមហ៊ុន Samsung នឹងស្ដ្រីម្នាក់ជាមិត្តភក្ដិរបស់លោកស្រី ប៉ាក គុនហេ ដែលរដ្ឋអាជ្ញាចោទប្រកាន់ពីបទប្រើប្រាស់អំណាចប្រធានាធិបតីក្នុងការបង្កើតមូលនិធិមនុស្សធម៌ ៕
