យ៉ាងតិចអ្នកសារព័ត៌មាន២ រូប នៃប្រទេស Zimbabwe ត្រូវបានចាប់ខ្លួនដោយសារតែសារព័ត៌មានពួកគេធ្វើអត្ថាធិប្បាយព័ណ៌នាអំពីសុខភាពរបស់ប្រធានាធិបតី Robert Mugabe ថាស្ថិតក្នុងស្ថានភាពធ្ងន់ធ្ងរទើបដឹកទៅព្យាបាលនៅប្រទេសសិង្ហបុរី។
តាមសេចក្តីរាយការណ៍របស់សារព័ត៌មាន Zimbabwe អ្នកសារព័ត៌មាន ២ រូបនេះ គឺម្នាក់ជាបណ្ណាធិការ និងម្នាក់ទៀតជាអ្នកធ្វើសេចក្តីរាយការណ៍ត្រូវបានចាប់ខ្លួននៅថ្ងៃសុក្រទី ០៧ មីនា។ លោក Mugabe ឆ្នាំនេះមានអាយុ ៩៣ ឆ្នាំ លោកគឺជាប្រធានាធិបតីនៃប្រទេស Zimbabwe ដែលបានកាន់អំណាច ៣៦ ឆ្នាំ។ សារព័ត៌មានរបស់អ្នកការសែតទាំង២រូបនេះ បាននិយាយថាសុខភាពរបស់ប្រធានាធិបតីអាយុ ៩៣ ឆ្នាំរូបនេះកាន់តែធ្ងន់ធ្ងរដែលចាំបាច់ត្រូវទៅព្យាបាលនៅក្រៅប្រទេសដោយដំបូងគាត់ទៅព្យាបាលនៅទីក្រុង ឌុយបៃ ប្រទេស អារ៉ាបីសាអូឌីត ហើយក្រោយមកមានសកម្មភាពកាន់តែធ្ងន់ទើបទៅព្យាបាលនៅប្រទេសសិង្ហបុរី។
លោក Robert Mugabe កាលពីថ្ងៃខួបកំណើតរបស់លោកថ្មីៗនេះលោកបានបញ្ជាឱ្យគណបក្សរបស់លោក ZANU-PF តែងតាំងលោកសម្រាប់ជាបេក្ខជនប្រធានាធិបតីនៅក្នុងការបោះឆ្នោតក្នុងឆ្នាំ២០១៨។ លោក Mugabe ធ្លាប់សន្យាថាលោកនឹងបន្តកាន់អំណាចអស់មួយជីវិត។ Zimbabwe ជាប្រទេសក្រីក្រមួយនៃទ្វីបអាហ្វ្រិក៕
ប្រភព៖ Africa Newsday
