បាត់ដំបង៖ មន្ដ្រីស៊ើបអង្កេតផ្នែកសិទ្ធិមនុស្សនៃសមាគមអាដហុក លោក យិន ម៉េង លី បានឱ្យដឹងថា បណ្ដឹងដែលសមាគមអាដហុកទទួលបាននៅអំឡុងឆ្នាំ ២០១៦ ក្នុងខេត្តបាត់ដំបង មានការថយចុះ។ លោកបន្ដថា ក្នុងឆ្នាំ ២០១៦នោះ មានសរុប ១៥ពាក្យបណ្ដឹង ក្នុងនោះបណ្ដឹងពាក់ព័ន្ធនឹងការធ្វើទារុណកម្ម ១ករណី បញ្ហាដីធ្លីមាន ៥ករណី និងបណ្ដឹងពាក់ព័ន្ធនឹងការធ្វើទារុណកម្មរបួសស្នាម មានចំនួន ៩ករណី។
តាមកត់កត់សម្គាល់របស់លោក មូលហេតុនៃការថយចុះនេះ ដោយសារតែថ្ងៃបោះឆ្នោតជ្រើសរើសក្រុមប្រឹក្សាឃុំសង្កាត់ឆ្នាំ២០១៧ និងការបោះឆ្នោតសភា ឆ្នាំ ២០១៨ ខិតជិតមកដល់ដែលធ្វើអោយអាជ្ញាធរនិងអ្នកមានអំណាច ដែលគេចោទថា បានរំលោភដីធ្លី បន្ថយសកម្មភាព។ លោក បញ្ជាក់ថា ចំពោះតុលាការក៏បានបន្ថយការឃុំខ្លួនអ្នកពាក់ព័ន្ធ រឿងដីធ្លីនេះដែរ។ តែលោកគិតថា ក្រោយការបោះឆ្នោតហើយស្ថានភាព ជំលោះដីធ្លីអាចនឹងបន្តកើនឡើងវិញ។
ជុំវិញព័ត៌មាននេះ សូមនាងកញ្ញាលោកលោកស្រីស្ដាប់បទសម្ភាសន៍រវាងកញ្ញា ជុំ ជោគជាតា និងលោក យិន ម៉េងលី ដូចតទៅ៖
