វ៉ាស៊ិនតោន៖លោក អូបាម៉ា អតីតប្រធានាធិបតីអាមេរិកដែលបានចាកចេញពីសេតវិមានកាលពីថ្ងៃទី២០ មករា នៅថ្ងៃនេះលោកបានសម្រេចប្រឡូកនយោបាយវិញឋានៈជាទីប្រឹក្សារបស់គណ បក្សប្រជាធិបតេយ្យ សំដៅពង្រឹងការបោះឆ្នោតសមាជិកសភាពាក់កណ្ដាលអាណត្ដិនៅឆ្នាំ២០១៨។
យោងតាមអតីតរដ្ឋមន្ដ្រីនៃក្រសួងយុត្ដិធម៌លោក Eric Holder លោក អូបាម៉ា បានសម្រេចថា លោកនឹងវិលចូលនយោបាយវិញដើម្បីជួយពង្រឹងប្រជាប្រិយភាពរបស់គណបក្សប្រជាធិបតេយ្យ ដែលត្រូវត្រៀមចូលរួមការបោះឆ្នោតសភាមុនអាណត្ដិនៅឆ្នាំ២០១៨ ដែលគណបក្សនេះបានខកខានការកាន់អំណាចដោយសារតែចាញ់ការបោះឆ្នោតគណបក្សធារណរដ្ឋ។
គណបក្សប្រជាធិបតេយ្យដែលមានបេក្ខជនប្រធានាធិបតេយ្យលោកស្រី ហ៊ីលឡារី គ្លីនតុន បានចាញ់ឆ្នោតលោក ដូណាល់ត្រាំ នៅក្នុងការបោះឆ្នោតកាលពីថ្ងៃទី០៨ ធ្នូ ឆ្នាំ២០១៦។ លោក Eric Holder បានបញ្ជាក់ថា លោក អូបាម៉ា សន្យាជាមួយលោកថា នឹងវិលចូលនយោបាយវិញហើយលោកត្រូវជួយបក្សប្រជាធិបតេយ្យឲ្យបានឈ្នះឆ្នោត នៅក្នុងការបោះឆ្នោតប្រធានាធិបតីនៅឆ្នាំ២០២១។ លោក អូបាម៉ា បានចូលកាន់តំណែងជាប្រធានាធិបតីមកពីគណបក្សប្រជាធិបតេយ្យបានរយៈពេលពីរអាណត្ដិ ៨ឆ្នាំលោកបានផ្ទេរតំណែងដោយសន្ដិវិធីទៅឲ្យលោក ដូណាល់ត្រាំ កាលពីថ្ងៃទី២០ មករា ឆ្នាំ២០១៧៕ ប្រភព AFP
