ហ្វីលីពិន៖ អង្គការសិទ្ធិមនុស្សរបស់អាមេរិក Human Rights Watch អះអាងថាខ្លួន បានរកឃើញ ភស្តុតាងក្លែងក្លាយជាច្រើនដែលប៉ូលិស ហ្វីលីពិន បានប្រើប្រាស់ដើម្បីសម្លាប់មនុស្ស ករណីគឿងញៀន ដែលអង្គការនេះថា ជាសង្គ្រាមសម្លាប់ក្រៅប្រព័ន្ធនិងជាបទឧក្រិដ្ឋធ្ងន់ធ្ងរ។
Human Rights Watch និយាយនៅក្នុងរបាយការណ៍របស់ខ្លួនថា លោក ដូតើតេនិង មន្ត្រីជាន់ខ្ពស់របស់លោក ត្រូវតែ ទទួលខុសត្រូវរឿងនេះ ព្រោះជាឧក្រិដ្ឋកម្មប្រឆាំងមនុស្សជាតិ។
អង្គការអន្តរជាតិនេះ ក៏បានទាមទារឱ្យអង្គការសហប្រជាជាតិ បង្កើតក្រុមស៊ើបអង្កេតឯករាជ្យមួយ ដើម្បីដាក់ការគាបសង្កត់ ឱ្យមេដឹកនាំ ហ្វីលីពីន ទទួលខុសត្រូវរឿងនេះ។ តាមទីភ្នាក់ងារសារព័ត៌មាន AFP លោក ឌូតើតេ នឹងចេញសេចក្ដីថ្លែងការណ៍ឆ្លើយតបនៅល្ងាចថ្ងៃនេះ៕ ប្រភព:AFP
