ភ្នំពេញ ៖ នៅទីបំផុតគណបក្សសង្គ្រោះជាតិបានរកឃើញថ្នាក់ដឹកនាំ និងឥស្សរជន ៣រូប ឱ្យធ្វើជាមេដឹកនាំកំពូលរបស់បក្សប្រឆាំងធំនេះ ។ ការជ្រើសតាំងនេះ ធ្វើឡើងតាមរយៈសមាជវិសាមញ្ញរបស់ខ្លួនដែលប្រព្រឹត្តទៅនៅព្រឹកថ្ងៃព្រហស្បតិ៍ទី ២ មីនា នេះ។
ការជ្រើសតាំងប្រធាន និងអនុប្រធានគណបក្សបានធ្វើឡើងបន្ទាប់ពីគណៈកម្មាធិការនាយក កាលពីថ្ងៃម្ស៊ិលមិញ បានសម្រេចយល់ព្រមឱ្យលោក កឹម សុខា អនុប្រធានគណបក្សឡើងជាប្រធានបក្សជំនួសលោក សម រង្ស៊ី ។ ចំណែកឯ អនុប្រធាន ៣ រូបក៏បានទទួលបានការយល់ព្រមជាមុនដែរ។
សមាជនៅថ្ងៃនេះ ត្រូវបានអ្នកនាំពាក្យគណបក្សប្រាប់បណ្ដាញផ្សាយព័ត៌មានថា មានក្រុមប្រឹក្សាស្រុក ខេត្តទូទាំងប្រទេសមកចូលរួមដើម្បីជ្រើសតាំងបេក្ខជនទាំង ៤រូប ហើយអនុម័តគោលនយោបាយរបស់គណបក្សដើម្បីឃោសនាបោះឆ្នោតក្រុមប្រឹក្សាឃុំសង្កាត់ ថ្ងៃទី ៤ មិថុនា ឆ្នាំ ២០១៧៕
