(ភ្នំពេញ)៖ នៅព្រឹកថ្ងៃទី០១ ខែមីនា ឆ្នាំ២០១៧នេះ សាលាដំបូងរាជធានីភ្នំពេញ បើកសវនាការកាត់ទោស លោក ជួប សម្លាប់ ដែលបាន បាញ់សម្លាប់ លោកបណ្ឌិត កែម ឡី អ្នកវិភាគដ៏ល្បីល្បាញនៅកម្ពុជា។
តាមអ្នករាយការណ៍ព័ត៌មានរបស់វិទ្យុស្ដ្រី FM102 លោក ជួប សម្លាប់ត្រូវបានដឹកមកកាន់តុលាការរាជធានីភ្នំពេញតាំងពីម៉ោង ៨ព្រឹក ដោយដឹកតាមរថយន្ដបិទកញ្ចក់ខ្មៅ ។ ក្នុងសវនាការនេះ គេសង្កេតឃើញអ្នកសង្កេតការណ៍មកពីអង្គការមិនមែនរដ្ឋាភិបាល និងមន្ដ្រីការិយាល័យសិទ្ធិមនុស្សអង្គការស ហប្រជាជាតិ។
លោក ជួប សម្លាប់ ត្រូវបានចាប់ខ្លួនភ្លាមៗនៅថ្ងៃទី១០ កក្កដា ឆ្នាំ ២០១៦។ នេះជាលើកដំបូងហើយដែលសាលាដំបូងរាជធានីភ្នំពេញ បានបើកសវនាការជំនុំជម្រះក្ដីសំនុំរឿងឃាតកម្មលើលោកបណ្ឌិត កែមឡី ដែលមានជនជាប់ចោទ ជួប សម្លាប់ ជាពលរដ្ឋរស់នៅខេត្តសៀមរាប៕
