ភ្នំពេញ ៖ កាលពីឆ្នាំ ២០១៦ ប្រាក់ចំណូលពីវិស័យទេសចរណ៍ចំនួន ៣៤០០ លានដុល្លារដែលចំណូលនេះជាផ្នែកមួយនៃកំណើនទេសចរណ៍អន្តរជាតិជាង៥លាននាក់។ នេះបើតាមលោក ថោង ខុនរដ្ឋមន្ត្រីក្រសួងទេសចរណ៍ ថ្លែងនៅក្នុងវេទិកាជាតិធុរកិច្ចបៃតងក្នុងវិស័យទេសចរណ៍លើកទី១ កាលពីរសៀលម្សិលមិញ។
លោក ថោង ខុន រដ្ឋមន្ត្រីក្រសួងទេសចរណ៍ រំពឹងថា ភ្ញៀវទេសចរណ៍អន្តរជាតិនឹងកើនឡើង ៥លាន ៤ សែននាក់ ឆ្នាំ ២០១៧ ហើយភ្ញៀវទេសចរណ៍អន្តរជាតិនឹងកើនឡើង ៧ លាននាក់ នៅឆ្នាំ ២០២០។
បើតាមរបាយការណ៍ប្រចាំរបស់ក្រសួងទេចរណ៍ បានបង្ហាញថា ភ្ញៀវទេសចរវៀតណាមបានឈានមុខគេនៅក្នុងចំណោមភ្ញៀវទេសចរបរទេស កាលពីឆ្នាំមុន។ តាមរបាយការណ៍ក្រសួងបង្ហាញថា ភ្ញៀវទេសចរវៀតណាមចំនួន៩៥០០០០នាក់ ខណៈភ្ញៀវទេសចរជនជាតិចិនឈរនៅលំដាប់ទី២ ចំនួន៨៣០០០០នាក់។
ភ្ញៀវទេសចរអន្តរជាតិកាលពីឆ្នាំមុន កើនឡើង ប្រាំភាគរយ ស្មើជាង ៥លាននាក់ បើធៀបទៅនឹងឆ្នាំ ២០១៥ ៤លាន ៧ សែននាក់៕
