កូរ៉េ៖ កូរ៉េខាងត្បូង ជឿជាក់ថា បុរសជនជាតិកូរ៉េខាងជើង ៤នាក់ មកពីភ្នាក់ងារចារកម្ម សង្ស័យជាប់ពាក់ព័ន្ធលើអំពើឃាតកម្ម លោក គីម ជុងណាំ បងប្រុសរបស់មេដឹកនាំកូរ៉េខាងជើង គឹមជុងអ៊ុន ។
លោក គីម ជុងណាំ ត្រូវបានសម្លាប់ដោយការដាក់សារធាតុគីមីម្យ៉ាងដោយស្ដ្រី ២រូបដែលគេថា មួយជាជនជាតិឥណ្ឌូនេស៊ី និងមួយទៀតជាជនជាតិវៀតណាម កាលពីថ្ងៃទី ១៣កុម្ភៈ នៅព្រលានយន្ដហោះ ក្រុងកូឡាឡាំពួរ។
ពួកមន្ដ្រីចារកម្មកូរ៉េខាងត្បូងបានប្រាប់សមាជិកសភារបស់ខ្លួនថា ជនសង្ស័យ ៤នាក់ក្នុងចំនោម ៧នាក់ ត្រូវបានចាត់តាំងអោយទៅធ្វើការនៅម៉ាឡេស៊ី ដោយក្រសួងសន្ដិសុខកូរ៉េខាងជើង។
ទាក់ទិនរឿងនេះ ប៉ូលីសម៉ាឡេស៊ីបានចាប់ខ្លួនបុរសកូរ៉េខាងជើងម្នាក់ ឈ្មោះ Ri Jong Chol គឺ ប៉ុន្មានថ្ងៃប៉ុណ្ណោះ បន្ទាប់ពីឃាតកម្មលើលោក គីម ជុងណាំ។
រហូតមកដល់ពេលនេះ បុរសកូរ៉េខាងជើង ៦នាក់ ត្រូវដៅមុខសញ្ញាតាមចាប់ខ្លួន។ ក្នុងចំណោមពួកគេ ៤នាក់ដែលសង្ស័យថាជាចារកម្មរដ្ឋកូរ៉េខាងជើង បានធ្វើដំណើរចាកចេញពីទីក្រុងកូឡាឡាំពួរភ្លាមៗ ទៅក្រុងព្យុងយ៉ាងវិញ។ តែយ៉ាងហោចណាស់ មន្ដ្រីទូតកូរ៉េខាងជើងម្នាក់ក៏ជាប់ពាក័ពន្ធអំពើឃាតកម្មនេះដែរ ។
មកដល់ពេលនេះ ទំនាក់ទំនងកូរ៉េខាងជើង និងម៉ាឡេស៊ីបានធ្លាក់ចូលក្នុងស្ថានភាពតានតឹង ដោយសារតែក្រុងកូឡាឡាំពួរមិនព្រមប្រគល់សាកសពលោក គឹម ជុងណាំ ទៅឱ្យក្រុងព្យុងយ៉ា៕ប្រភព:C NA
