en     km
en     km

ស្លាប់​ ៤​នាក់​ របួស​១៨​នាក់​ ករណី​គ្រោះថ្នាក់​ចរាចរណ៍​ទូ​ទាំង​ប្រទេស​ នៅថ្ងៃទី២៤ កុម្ភៈ

Share

ភ្នំពេញ​៖​ របាយការណ៍​ ស្ដី​ពី​ករណី​គ្រោះថ្នាក់​ចរាចរណ៍ ​របស់​នាយកដ្ឋានសណ្តាប់ធ្នាប់ នៃអគ្គស្នង ការដ្ឋាននគរបាលជាតិ ​បាន​ឲ្យ​ដឹង​ថា​ យ៉ាងតិច​ណាស់​មនុស្ស​៤​នាក់​ស្លាប់​ និង​១៨​នាក់ ​រង​របួសករណី​គ្រោះថ្នាក់​ចរាចរណ៍​ទូ​ទាំង​ប្រទេស​ កាលពី​ថ្ងៃ​ទី​២៤​ ខែកុម្ភៈ​។​

aci

​តាម​របាយការណ៍​ដដែល​ឲ្យ​ដឹង​ដែរ​ថា​ ហេតុការណ៍​គ្រោះថ្នាក់​ចរាចរណ៍​កាល​ថ្ងៃ​ម្សិលមិញ​បង្ក​ឲ្យ​ខូ​ត​ខាត​រថយន្ដ​ធុន​ធំ​ចំនួន​ ២​គ្រឿង​ រថយន្ដ​ធុន​តូច​ចំនួន​២​គ្រឿង​ ម៉ូតូ​ចំនួន​៩​គ្រឿង​។​ មូលហេតុ​ដែល​បណ្ដាល​ឲ្យ​មាន​គ្រោះថ្នាក់​ចរាចរណ៍​នេះ​ព្រោះ​ តែ​អ្នកបើកបរ​មិន​គោរព​ច្បាប់​ចរាចរណ៍​ ដែល​មាន​ជា​អាទិ៍​ ការ​បើក​បើរ​ហួស​ល្បឿន​កំណត់​ មិន​គោរព​សិទ្ធិ​អាទិភាព​ និង​ការ​បើកបរ​ក្នុង​ស្ថានភាព​ស្រវឹង​។​ គ្រោះថ្នាក់ចរាចរណ៍ កាលពីថ្ងៃម្សិលមិញ ទាំងអ្នកស្លាប់ និងអ្នកដែលរងរបួសគឺសុទ្ធតែជាបុរស។

​យោង​តាម​របាយការណ៍​គ្រោះថ្នាក់​ចរាចរណ៍​ផ្លូវគោក​ ករណី​គ្រោះថ្នាក់​ចរាចរណ៍​ទូ​ទាំង​ប្រទេស​ គិតដល់​ពី​ថ្ងៃ​ទី​០១​ ដល់​ថ្ងៃ​ទី​២៤​ កុម្ភៈ​ ឆ្នាំ​២០១៧​ ករណី​គ្រោះថ្នាក់​ចរាចរណ៍​ កើតឡើង​ចំនួន​ ២៣១​លើក​ ស្លាប់​ ១១២​នាក់​ រង​របួស​ ធ្ងន់​២៣០​នាក់​ និង​រង​របួសស្រាល​ ចំនួន​ ១១៩​ នាក់​៕

Share

ព័ត៌មានទាក់ទង

Image